姜涛纪录片《答案》自爆疑患抑郁　透露现时状态良好：冇事放心！

男团MIRROR今日（15日）现身尖沙咀出席电讯公司宣传活动，虽然是次为非公开活动，但仍吸引过百名“镜粉”到场支持，包括“姜糖”和“神徒”等等。12子以黑色型格西装造型出场，在烈日下跳唱歌曲《ASAP》以及《BOSS》炒热气氛。

谈到今次为电讯公司拍摄的广告，12子接受访问时表示很有趣，Lokman说：“唔算辛苦，但有好多绿幕，我就要幻想返出到嚟效果系点，同导演试嚟试去系几得意。”另外，教主卢瀚霆（Anson Lo）的歌曲《不可爱教主》MV突破一千万点撃，他笑言如果柳应廷（Jer）请食饭，他亦会请食饭：“本身谂住请食饭，但唔可以抢先过阿Jer，咁阿Jer话请食饭先，总之阿Jer请完我就会请大家食饭。”AK兴奋指：“其实阿Jer埋咗单，所以Anson Lo快啲找数。”

吕爵安（Edan）的粉丝最近发生磨擦，他亦就此开腔回应：“有小小意见不合，都有一段时间，想佢哋可以和睦共处、互相支援大家，做一个有礼貌嘅粉丝。（和解咗未？）见到系好咗，希望未来愈嚟愈好。”天气开始转凉，正拍摄剧集《i.SWIM》的Edan说非常寒冷：“开返《i.SWIM》，呢段时间个天气好夸张，冻到可以问下Alton（王智德），佢有好深感受。”Alton则指：“上水同落水系来回地狱又折返人间，好大风，喺水入面还好，一上水加埋凉风阵阵，我有啲身体反应，作呕同抽筋，但顶得住。”同样有份拍摄的邱士缙（Stanley）表示：“水好似冻水，上一次Delay咗唔使落水，但俾Edan掉咗落水。（Edan：俾Edan掉落水合唔合理先？我点一个人掉你落水？）系一埋人掉我落水，过程成班男仔好热血好玩。”

姜涛个人纪录片《答案》透露曾怀疑患上抑郁症，他表示现时状态良好：“冇咁夸张，𠮶个时候怀疑自己有，而家冇当时咁，因为好耐之前拍，唔系近排嘅状态，冇事放心，嚟紧会有其他集数。（第九首歌几时出？）编曲上、舞蹈编排都有啲嘢要执，仲需要少少时间。”