郑中基不满被要求改《无赖》歌词　拒上TVB：由𠮶时开始我就唔妥

郑中基（Ronald）当年凭一首《无赖》唱到街知巷闻，不但勇夺多个乐坛奖项，更击败陈奕迅的《夕阳无限好》夺得《2005年十大劲歌金曲颁奖典礼》金曲金奖！不过近日Ronald拍片回顾过往的经典MV时，就大爆当年被TVB要求改《无赖》的歌词，令他耿耿于怀，甚至拒绝再亮相TVB！

Ronald在片中讲到TVB节目《劲歌金曲》当时规定要求有自己版本的MV：“多数我唔记得𠮶啲都系以前《劲歌》拍㗎，TVB要自己Version嘅MV，所以好多时我哋就统一咗佢，无谓拍三四次。”但他就大爆原来《无赖》被要求改歌词：“《无赖》有句歌词TVB一定要我改咗先可以参加《劲歌金曲》，就系‘曾话过要戒烟，但讲了就算’，佢唔知点解唔畀我讲戒烟，我就特登要入过录音室录过另外一句歌词‘要储钱但讲了就算’。”

对于自己的作品被要求改歌词，只是为了上TVB节目，Ronald相隔十几年后再提起此事仍大感不忿：“总之呢个喺我𠮶阵时开始嬲TVB，而我嬲TVB之余，我嬲返自己公司，点样可以一个Artist嘅歌，为咗一个电视台你走去改两只歌词，净系for佢？但𠮶阵时就算啦，就录咗佢因为公司问题啦，就要做𠮶件事，但由𠮶时开始之后我就唔妥TVB到而家，到而家咁多年嚟你哋未见过我喺TVB出现过！等如你话Michael Jackson嚟，我唔钟意你只歌叫《Billie Jean》㖞，你净系可以唱《攞嚟贱》，咁人哋会唔会睬你呀？系咪先？”

虽然Ronald愈讲愈嬲，但其实当年TVB版MV的部分歌词作改动后，点击率都好高，而亦有网民表示当时因电视台受规管，所以不能出现“烟”及“酒”的字眼。Ronald在2000年因在飞机上醉酒闹事而令他的事业走下坡，他更多次因情绪暴躁事件而形象插水，后来他转型成为喜剧演员，事业逐渐有起色，直至2005年凭一首《无赖》翻身，翌年再与梁汉文、方力申一起主持TVB综艺节目《美女厨房》，收视高企，风头一时无两！而近年虽然Ronald未有再亮相TVB，但就有上ViuTV《Chill Club》宣传新歌，亦有拍摄ViuTV剧集《暖男爸爸》，依然大受欢迎！