星空下的仁医．专访｜钟嘉欣思乡病难挨　子女分隔两地：个心会痛

对于观众来说，钟嘉欣是一名演员、歌手，对TVB艺人来说就是一位好同事，对《星空下的仁医》同剧演员来说亦可以是一位好对手，学习对象，对支持了多年的粉丝来说就是一位“女神”，但对她的家人来说，钟嘉欣就是一位好妈妈，心爱的老婆，好新抱和好女儿。

阔别荧幕多年再见钟嘉欣，除勾起了大家对“好彩妹”、“常在心”的回忆，更多的是对她演技上的进步而感到兴奋，做了妈妈后更多了几分成熟和稳重。你说《皆大欢喜》的“洪白岚”够清纯？但其实《星空下的仁医》中那个“章以芯”更为吸引。钟嘉欣不单止是演员，而是一位陪住观众一起成长的朋友。

拍剧思乡“病发”

钟嘉欣不提也不知道，原来当初她接拍《星空下》的时候，原定只是一个月时间自己在香港，因为拍剧时正值疫情爆发，拍摄拉长之余，身在加拿大的家人也未能到港陪伴左右。钟嘉欣指：“好辛苦，令我记得返19岁离乡别井离开温哥华嘅时候𠮶几年嘅心情，更何况今次要离开自己建立嘅家庭，我老公同埋一对仔女。当其时planning（计划）唔系离开5个月，当其时起初系我返嚟香港一个月，然后老公同仔女会过嚟陪我，但系随住疫情爆发，最终决定都系唔好带仔女过嚟，安全为主。心情当然好辛苦，尤其是听到佢咃唔舒服、发烧、咳，返唔到学或者喊，我个心就会痛，想喺佢哋身边但系唔喺佢哋身边。”

还好，坚持的背后有家人支持，她说：“我同自己讲呢个角色我一定要做得好好，因为屋企人好support（支持）我，亦都牺牲好多俾我去演戏，所以我一定要make them pround（令佢哋自豪）。”

事业、屋企人、自己、朋友边样重要？

如果要为自己的身边人作一个位，她会如何选择呢？“要排位？当然系我嘅仔女同老公应该系equal（平等）。仔女和老公排在前，然后是自己，唱歌之后才是拍戏，但其实生命中也有十分多重要的人和事。冇得咁样去比，例如妈咪Daddy，我哥哥家姐，神，我啲朋友，屋企人，老爷奶奶，好多嘢都好重要。”

为什么会这样排法，她由精神层面上解释：“家庭真系最重要，所有嘢由我一个人变成一个formless（无形）嘅spirt（精神体）嘅时候，其实我喺地球上回忆就系同我最心爱嘅最亲嘅人，所以同我最亲嘅人嘅回忆先系最重要。所以喺工作上，你话唱歌演戏，呢啲系一啲我可以live-without（生活上不需要）嘅嘢，因为真系最心爱嘅人嘅memory（回忆），what you did for that person（你对佢做过嘅事），how much time you spent with them（相处过嘅时光），先系最珍贵嘅回忆。”

加拿大生活做返自己

钟嘉欣自婚后回到加拿大生活，她自言过得十分自在：“因为呢度冇记者，少啲人会认到我，我出去买𩠌都可以好relax（轻松）咁做自己，做一个妈妈嘅角色。香港节奏会快啲，好刺激，但系加拿大就比较可以放慢脚步，都好忙但系唔同嘅忙，好多嘢都系DIY，do it yourself（自己落手落脚）。我钟意呢种生活，因为真系好实在，好喺地上，好亲力亲为，日日都系自己建立自己创造，所以家头细务，所有嘢都系我同老公亲身去做。”

有打算回香港发展吗？她似乎就没有多大兴趣，最少是现阶段并没有这个打算，而这个打算也为了一对小朋友。“我自己同老公都系喺加拿大长大，希望佢哋都可以好似爸爸妈妈咁喺呢个环境长大，喺度读书。如果我喺香港生活，佢哋会以明星（二代）身份喺娱乐圈成长，会习惯俾人跟，多啲人认出，或者会对佢有privilege（特权），喺加拿大我哋就会好普通，好正常一个家庭去成长。”她只是想一对仔女享受童年，用普通小朋友的身份成长。

“章以芯”有钟嘉欣的影子

钟嘉欣坦言在饰演“章以芯”中也有自己的影子，她说：“喺呢个角色，我用咗唔同方法去睇，喺剧本揾一啲缺憾位，总之每一样嘢都要通，通咗之后就会做得好舒服去演。总之某啲冇写我就自己设计，想像啲空位剧情，令自己演得更加顺。”

她续说，自己为角色加添了不少背景元素：“我自己设计咗一个家庭背景畀自己，令角色丰富，其实系我自己设计妈咪系难产死，导致我觉得系佢带我嚟呢个世界，所以我希望自己生一个BB出嚟畀佢睇到呢个美好世界。潘漫红（剧集编审）写得好好，不过我作为妈咪有好多感受，喺剧本你会见我画到‘花喱look’，因为我自己加咗好多嘢或者改咗某啲位。我都好感恩监制畀我参与少少创作，连个拇指琴，我都系走去旺角买，首主题曲都系配合《星空下的仁医》整个故事去作曲。如果唔系思乡，我可能会做得更好，但系我已经尽我自己所能，喺所有挑战发生下演好‘章以芯’，将佢变成一个有血有肉嘅角色。”

睇淡奖项希望得到观众认同

对于年终的“TVB成绩表”，她较为看淡奖项，更直言不会为颁奖而回港：“我收到好多朋友支持，好多传媒，网上粉丝或者观众都有话希望我今年攞到视后，好多谢大家对章以芯支持同欣赏，我都好钟意呢个角色，如果唔系都唔会决定返嚟香港演呢个角色，一定系好好玩同好有投入感先会接拍。”

“我冇谂过为咗出席颁奖礼返嚟香港，同埋我觉得奖项嘅嘢，随缘啦，好多嘢都唔到我控制，虽然我都好钟意我呢个角色，但系奖项真系要睇公司安排，做咗咁多年我都明白𠮶个游戏规则，所以随缘，就系最好心态，大家钟意呢个角色我已经攞咗奖㗎啦。”