陈芷菁难忘与肥姐合作　主持从不靠搏：佢做直播时已经120%准备好

陈芷菁94年由加拿大回流香港参加香港小姐，并晋身总决赛十二强，落选后加入无线，以剧集《天地男儿》、《壹号皇庭》而为人所认识。其后她转投亚洲，并在05年回巢，主要担任主持工作，做过唔少大骚主持，由于英文了得，陈芷菁亦曾担任赛马日司仪。

近日她接受电台节目《安哥同学会》访问时提到当年原本没有打算回港发展，但因为妈妈嘅一次意外，令她改变主意：“人生好奇怪，𠮶年婆婆、舅父先后去世，妈妈返台湾处理佢哋丧礼时，喺温哥华机场突然心脏病发，后父打比我要我心理准备，我同天讲如果妈妈返到嚟，我咩都可以做，结果佢真系无事，原来喺机场遇到一名医生。之后有次我哋喺加拿大餐厅食饭时，听到港姐嘅音乐，妈妈就话：‘你都唔选架啦？’点解佢咁想我选，系因为我由细到大猪一样咁嘅样，我婆婆都话‘我的菁好漂亮’佢哋对我嘅溺爱系盲目。所以妈妈咁讲，我就叮一声，谂起对上天嘅承诺。”陈芷菁表示参选时同其他佳丽相处得好好，原因系佢不时同人讲自己好快返加拿大结婚，对任何人都唔会构成威胁，最后晋身总决赛十二强，她亦未曾感到后悔：“好同唔好，靓同唔靓，唔需要比几个人去决定 。”

访问中，主持人陈图安大赞陈芷菁向来专业，陈芷菁表示会不时留意别人点解会起功，在她眼中，肥姐（沈殿霞）、何守信、汪明荃才称得上守专业：“我同肥姐有次做航天员首次来港嘅一个节目，当时佢已经有糖尿病、坐住轮椅，我好记得当时佢问PA点解寻晚咁夜先比稿，佢话‘你知唔知我彩排已经要背熟啲稿、你知唔知我到咗呢个年纪背稿好辛苦’佢话做live show时已经要120%准备好，原因系就算有虾碌，都仲有一百分，呢番说话我一直记住，佢哋系唔会搏一铺。我喺TVB做主持，见到到啲稿内容错，我有个拍档居然话‘ 唔紧要啦，冇人睇’我话‘冇人睇你咋’我哋作为传媒人系有责任，你把口讲出嚟嘅嘢必需要系事实。”

同场加映:佘诗曼素颜上阵亲授变靓秘诀　网民大赞身形fit到爆