戴梦梦与圈外男友结婚 邀旧爱Ricky出席遭拒绝：佢话费事错焦点
撰文： 吴子生
出版：更新：
36岁戴梦梦早前爆出与太极鼓手Ricky拍拖震惊娱乐圈，其后分手复合再分手。上月（18日）戴梦梦突然在社交平台爆婚讯，宣布闪嫁金融才俊Kyle，并开心分享两辑跟未婚夫户外唯美婚照，大晒幸福﹗
今日（8/11）戴梦梦与圈外男友正式拉埋天窗，晚上于湾仔君悦酒店举行婚宴，并延开8围，广邀圈中好友一同分享喜悦。下午五时15分，一对新人现身会见传媒。影完合照，老公Kyle未有陪同老婆戴梦梦接受现场记者访问，戴梦梦笑言：“其实佢落嚟之前佢已经紧张，但我仲呃佢得几个人，但落到嚟见到咁多人佢仲紧张。”
被问到有否邀请旧男友Ricky出席婚宴？戴梦梦表示：“其实私底下系有问过佢。不过佢就拒绝咗，因为佢觉得到时费事错焦点，始终都有双方家长同老人家喺度。咁所以佢前两日仲特登攞咗份礼金畀我，仲送上祝福，希望我幸福快乐，生活开开心心。”