MIRROR三周年︱花姐坦言遇很多困难　公开向12子示爱：非常爱你哋

昨日（3日）是人气男团MIRROR出道三周年的大日子，除举办马拉松式派对与“镜粉”见面外，粉丝更为偶像准备大量应援物将九展变身梦幻乐园。花姐和鲁生作为MIRROR背后的领军人物，亦有在IG发文写下这三年来见证12子成长的感受。

花姐上载MIRROR昨日在见面会的照片，表示这三年间遇过很多困难，幸好身边有好同事一直支持和扶持自己：“三年前嘅今日，人生有好大嘅转变，由一个电视台监制变成16子嘅经理人。呢段时间遇过好多困难，流过好多眼泪，迷惘过、失落过、软弱过，愤怒过。但幸运有你哋一直嘅陪伴。多谢鲁生，人生导师，令人敬佩嘅老细，表面寸寸贡，但内心充满爱。永远记得佢send一个msg叫我好好放假陪下屋企人，好感动！多谢金生，亦要同佢讲对唔住，一直包容我、盲撑我，佢喺我心目中都系好爸爸！”

逐一答谢同事后，花姐亦公开感激MIRROR的努力以及“镜粉”无条件的支持：“多谢镜粉，你哋令MIRROR好幸福，多谢你哋一直陪伴MIRROR。最后多谢MIRROR 12子，我近年烦恼来源都系来自你哋，但非常非常非常之爱你哋，One and All，All in One。希望你哋以后都可以过得健康快乐。”教主Anson Lo、Frankie、Alton，Tiger均有留言向花姐示爱：“我爱你花姐”。

另外，鲁生亦分享MIRROR三年前初次表演的后台照片并写着：“MIRROR第一次表演，系2018年11月3号。不过，其实佢哋12个第一次表演，系成立日之前几日，喺一个event。我哋𠮶阵未公布佢哋会系MIRROR，佢哋系以《全民造星》参赛者嘅身份出席，咁我哋心里面就其实系想等MIRROR出现之前，畀佢哋12个，一齐踩一下台板。图一，就系当日后台，图二，系今日后台。我发觉，我几钟意偷影佢哋，上台前嘅一刻。”

同场加映

MIRROR三周年︱镜粉准备各式各样应援　气球花牌犹如梦幻乐园