我是镜粉会长︱Ian与Amy公开恋情 Hellosss戥佢开心：会笑得多啲
“都系默默喺背后支持，好似佢咁讲，个世界可能好复杂，但继续坚持简单同自己嘅信念，一定会有更多人睇到佢嘅努力”。由《全民造星》到刚踏入娱乐圈，陈卓贤（Ian）是在谩骂声与抨击中一步一步成长，作为“Hellosss”兼歌迷会Admin的她固然感到心痛，不过更多的是相信偶像的能力、默默在背后支持，更确信时间会证明一切。她说在Ian的歌迷会中，大家都是地位同等的“Hellosss”，没有特别哪一位是会长或者负责人，有需要时总会有一大班人伸出援手，所以在访问中不需要特意写出她的名字，只需要以“Hellosss”来称呼她就可以。
做Admin单纯想偶像更多人识 Hellosss的团结是坚持原因
Ian在《全民造星》中自弹自唱《Fly Me to the Moon》以及后来的《Desperado》《说散就散》Medley，相信是初代Hellosss“入坑”的开端，她亦不例外。除了音乐才华，她更欣赏Ian的坚持和认真，亦令自己学懂凡事不能轻易放弃：“一个完全唔识得跳舞的男仔去到而家咁，好有学习嘅能力，每次都畀到进步我哋睇。令我喺工作、生活上都唔会咁易放弃，见到佢进步都想自己进步，想学返以前放弃咗嘅嘢，工作上唔识嘅事都会试下自学。”
单纯地想Ian得到更多人认识是她成为Admin的原因，她说没有特别要选出歌迷会会长，大家分工合作、互相帮忙：“都系误打误撞，想为Ian做更多。Fans Club唔会有一个人特别大，大家都系Helpers，平时好踊跃帮忙，例如Design方面等等都会有人负责。”经营歌迷会的工作量犹如打多一份工，不过却是没有收入，背后的付出亦未必是旁人能够理解。或者在外人眼中，担起这份“工作”可能很傻，但令她坚持的除了是对偶像的爱、从中获得成功感外，更多的是Hellosss之间的互相支持：“当Ian工作上有困难时，我哋都有少少不知所措，要同其他Fans夹点样可以令更加多人识佢。Hellosss好多才多艺，设计、联络，采购，揾地方呀，佢哋真系帮轻唔少，唔会得几个最内部嘅人做，临近Deadline要整合所有嘢就最忙。”
平日要兼顾正职，再加上歌迷会的事务，临近演唱会、生日、出歌，出道周年等等的日子更要准备一系列的应援，想必连睡眠的时间也没有，不过她却指从未试过通宵：“大家分工作合作得好恰当，知道可以点分担。都想Hellosss试下自己整嘅作品可以出到嚟，有成功感又好开心。”
等候多时为见偶像数十分钟 “值不值得？瞓觉完咗活动返去瞓”
访问当日，Ian在中午现身中环出席品牌活动，她亦早在凌晨五时到达商场挂起横额、准备手牌给到场的Hellosss为偶像应援。等待十多个小时只为见Ian数十分钟，当问到值不值得时，她笑一笑再一脸满足说：“𠮶段时间可以忘记晒其他嘢，同佢影下相、同佢互动下，已经好开心，平时生活嘅烦恼都可以唔记得。话值不值得，瞓觉就完咗活动返去瞓。”
至于家人是否支持追星，她再次感激Hellosss的帮忙和配合，令她有时间陪伴家人及朋友：“屋企人冇太大反对，佢哋都见到我进步，沟通、组织能力上唔同咗，佢哋都好开心。见到Ian喺香港都有进步时，佢哋都会了解下同开始欣赏佢。”
曾被质疑点解要花时间 “而家同我讲钟意咗陈卓贤”
由《全民造星》直到MIRROR刚刚出道，他们都是在谩骂与抨击中一步一步走到今天成为香港当红的偶像组合，她心痛偶像却确信时间会证明一切：“默默喺背后支持，同佢谂法一样，如果佢嘅能力或才能系值得俾人睇，就算受咗几多抨击都好，时间系会证明到，而家都叫证明到，要有经历先会成长。”
她坦言初期身边的同事或和朋友都会问“点解要放咁多时间落去”，直到今日他们会跟她说喜欢了Ian，或许这就是她坚持营运歌迷会的原因之一：“MIRROR未成熟𠮶时，佢哋会话其实都系好普通、啱啱完成比赛嘅歌手，冇人睇到佢哋几努力。以前佢哋都会话MIRROR系边个，调返转而家个个都讲紧MIRROR，MIRROR嘅努力话畀大家知，佢哋系值得被支持，而家啲同事、朋友会同我讲钟意咗陈卓贤，比起佢哋笑我更加开心。”
Ian公开与Amy（卢慧敏）的恋情，偶像拍拖，她与其他Hellosss的反应都是一致戥对方开心：“正常呢个岁数嘅男仔都会拍拖，唔会因为佢拍拖影响到任何嘢，佢嘅音乐事业、对Fans或者时间分配都有佢嘅控制，我哋都对佢好有信心，会戥佢开心，可能会笑得多啲呢，有个人同佢倾诉。”来到访问尾声，问到希望Ian事业上达到什么目标时，她笑说希望可以再有一场属于Ian的音乐会。正如Ian所说“呢个世界好复杂，希望各位保持简单”，Hellosss想跟Ian说的同样简单：“谢谢你的出现，成为我的偶像”。
逐格睇Admin平时工作的地方：