游嘉欣不怕林正峰正印女友呷醋　担心绯闻吓走追求者︰断我爱情路

无线于周日（31日）举行“爱心曲奇暖万家”慈善义卖活动，小花游嘉欣亦有份出席做善事。适逢是万圣节的日子，不少人都会选择“扮鬼扮马”娱乐一番，但嘉欣就表示准备“返屋企瞓觉”，因为她本身也不太会庆祝万圣节。近期经常见到嘉欣，事关她担正演出的短剧《青年心城之撑起青春》正在播放中，且又不时上综艺节目，被问到是否收入大增，嘉欣笑言︰“啊……呢个系假象嚟！其实系咁啱个剧集出紧，所以就有宣传啊，就会见得我多啲近排，又冇话特别收入增加！”

“千禧BB”嘉欣出道3年时间就已经做女主角，算是相当快，她觉得今次的机会是机缘巧合，“但系佢呢个都唔算系正式嘅长嘅剧集，所以离真正嘅女一都仲有一段距离，今次就当系一个中期考试。（嚟紧会唔会有机会做真正嘅女一？）呢个乜嘢都唔知啊，睇吓公司之后畀啲乜嘢机会，同埋唔好话系咪女一啦，希望自己可以喺其他更多嘅剧集出现。”

早前林正峰被传媒影到他私下接送嘉欣，被指疑似背住正印女友童靖文（Yuki）偷食，随即惹来一脚踏两船之嫌，报道出街后，林正峰与游嘉欣都分别透过经理人澄清有关绯闻，日前他就于IG post了他与Yuki手拖手的合照贺他们拍拖3周年，公开高调放闪晒恩爱。嘉欣笑言︰“佢成日都晒命㗎啦，哈哈！佢成日都晒佢同女朋友啲相嘅，所以都唔关事啦！（绯闻会唔会影响到你同佢嘅友谊？）唔会啦，我同佢本身都系有咩就讲咩，都好直接嘅人，所以都冇咩影响，我哋就将呢样嘢当系笑话咁样讲，可能佢唔系太想车我出去地铁站嘅时候，佢又喺度讲话‘阵间畀人影到’呢啲，都系讲吓笑咁样。（佢都会照车你？）如果佢方便嘅情况下都会嘅，因为始终大家都想快啲返屋企休息。”

林正峰拖实女友高调放闪庆祝拍拖3周年　以行动粉碎与游嘉欣绯闻

被问到嘉欣怕不怕Yuki呷醋，她说︰“咁呢个要问返佢啦，但系我觉得应该都唔会嘅，因为我同佢女朋友本身都识嘅，有一齐出去食过嘢，大家都了解对方，所以又唔会话（怕）呷醋。”在节目中讲过自己是“A0”的嘉欣反而就更怕跟林正峰的绯闻会吓怕有心追他的男生，她直呼︰“我好惊啊！我好惊啊！你知唔知个新闻出咗去之后，好多人都同我讲，包括IG啲follower，都有同我讲‘你系咪真系出pool啊？恭喜你㖞’，我心谂‘唔系啊嘛？真系觉得我揾到男朋友？’我又谂可能以后会有啲男仔会因为咁而唔敢认识我𠻹！系啰！佢断我爱情路！”

点击下图睇嘉欣的靓相︰