杨洛婷极速修身减42磅　老公Tim未及欣赏：着咗套比坚尼影相畀佢

杨洛婷（Rabee'a）今年6月诞下儿子，时隔四个月周五（29日）已经Fit爆身材拍广告，修身速度之快令人称羡，Rabee'a透露自己在坐完月后整整瘦了42磅，问起快速回复身材的秘诀，她说：“始终生完唔敢咁快做运动，就用最舒服嘅方式去修身，做机可以去淋巴、去水、消脂，紥肚就令身型靓。”饮食方面Rabee'a也有自己的一套心得：“以前我好钟意食饭，而家夜晚就戒饭，食烚菜；戒糖、戒盐、戒油就好快减到磅，但始终喂紧母乳要有足够营养，早午餐都一定要食、然后饮好多汤水、食补品，Keep住健康地瘦。”

老公Tim（Dear Jane主音黄天翱）一直对Rabee'a宠爱有加，问起老公的贴心事，Rabee'a甜蜜指平凡已经很足够：“老公一直都好锡我，冇办法佢而家工作好忙但都尽力帮忙，喺屋企都会帮手洗碗、换片、帮小朋友冲凉，已经好足够。”至于老公会否有什么奖励，Rabee'a透露顺产Push的次数就是老公要送的礼物量：“我Push咗7定9次，老公已经主动话预备礼物，不过佢太忙暂时仲差我几份，不过惊喜就不时都有，过时过节都会记得老婆钟意花！（有冇写定礼物名单？）我个人唔太物质，又想佢畀惊喜，始终一齐咗好耐，大家有时间坐低食饭倾下偈已经好足够。”

Rabee'a今日穿着丝质贴身短裙拍摄广告，玲珑浮突的姣好身材令人称羡，问起老公会否也很是惊喜，Rabee'a就指老公未及欣赏自己的修身成果：“佢呢排真系好忙，冇乜机会见到我唔着衫嘅状态，所以寻晚我特登喺屋企着咗套比坚尼影咗张相畀佢睇，佢覆返我：‘都话你会修身成功㗎啦！’我次次着裙佢都会赞我，佢都会有反应嘅我谂！（太性感老公会有微言？）佢唔介意㗎，可能都系佢钟意我嘅其中一个原因。”