星空下的仁医｜黄碧莲入行7年终于发围：喺加拿大返嚟就系想拍剧
无线剧集《星空下的仁医》播映超过一周后成为网上讨论热话，除了钟嘉欣、何依婷、谢芷伦等被艺人被cap图外，黄碧莲也意外成为话题之一。
其实黄碧莲早于2014年加入TVB，毕业于英属哥伦比亚大学心理学系（儿童心理学），在2012年参加《温哥华华裔小姐竞选》并夺得“最上镜小姐”就参加了《2014年度香港小姐竞选》，当年亦仅以一票之差失落最上镜小姐，同年由邵珮诗同时夺得冠军和最小镜小姐。
选举结束后，黄碧莲随即就加入了TVB成为经理人合约艺员，可能是因为毕业于“儿童心理学”的关系，第一年的工作就是与林希灵、黄恺怡、余德丞、何依婷、伍乐怡及邱晴等一起担任儿童节目《Think Big 天地》的主持，2016年亦同时担任了《港生活·港享受》（Dolce Vita）的主持。2018年从《Think Big 天地》毕业后亦调往《今期流行》。多年来黄碧莲都主力主持，直到《星空下的仁医》中饰演医生李颖萱（Hayley）一角，才渐露头角。
黄碧莲在接受《香港01》时说：“我都好奇监制点解会揾我，因为我系儿童节目主持出身，又冇乜拍过剧。”入行7年，其实好大部份时间都是担任综艺节目主持，但原来她的目标是拍剧：“我由加拿大返嚟就系想拍剧，唔可以话我浪费咗啲时间，因为做主持都学到好多嘢，咬字对答都有训练。而家多返拍剧机会，虽然比想像中拍剧迟咗啲啲，所以我想追返啲时间，而家目标就系拍剧、拍剧、拍剧。”
入行7年，黄碧莲的演艺路说容易也不容易：“做呢行系难嘅，坚持咁耐因为我有passion（热诚）。”她也表示自己入行多年收入也不算多：“讲真我入行7年我份底薪仲系cover唔到住紧嘅地方个租金。入行𠮶时妈咪话不如买层楼，咁就唔使畀租金，但系我啱啱由加拿大嚟未够7年所以冇买，而家够7年我计划紧买屋。”她自言，还好有努力工作，骚钱加上月薪都足够自己生活花费，不用跟父母“摊大手板”。
（TVB艺员每月收入是由底薪加上骚钱组成）
近年黄碧莲开属于自己的饰物小生意，她说：“拍完《星空下》之后11月到3月都冇工开，咁啱踏入30岁想有个大Project，自己本身又对做衫有兴趣，所以就开始做扎头发饰物。我会自己落太子、深水步揾布料，全部都系自己handmade㗎。”她表示，因为全部都是自己一手包办，所以制作较慢，成日喺workshop整嘅话都整到40个左右。”她经营多个月来总算是储了不少忠实客仔：“头三个有赚嘅，每个月都持续有啲街客揾我，算系当兴趣咁赚。”
黄碧莲续说：“家用方面我觉得自己唔系好女，我哋屋企有4姊妹，家姐同三妹已经可以畀家用，好孝顺，但系我仲未畀到，不过以前Daddy Mummy嚟香港探我嘅时候，全部使费都系on me（我出钱），我会努力工作赚钱㗎，迟啲就可以报答佢哋！”她透露，现时爸爸在加拿大拥有自己的室内设计生意，妈妈则是家庭主妇：“其实佢哋完全唔需要家用。（觉得愧疚？）系呀，因为两姐妹好孝顺，已经可以畀家用。呢个（畀家用）系duty，但系我觉得自己Fail紧，我想做但系做唔到。”
点击睇黄碧莲剧中花絮相：
她透露，自己较喜欢可以看海的环境：“我对住嘅环境都有啲要求，唔太钟意望出去都系楼，一定要海景或者绿景（望到绿色），所以我先咁钟意出海。”
《星空下的仁医》监制方浤酌接受《香港01》访问时，透露了选用黄碧莲的原因：“主要系想揾啲新面孔做第二梯队，演技唔会咁老练嘅，而且黄碧莲个样好甜，感觉上似系高学历，有潜质又有朝气。拍之前有揾过佢casting一两场戏，都达标嘅。”监制表示她的表现也不错：“好聪明，演戏好自然，畀到惊喜我，不过广东话发音就未必咁好，我都有叫佢读多啲报纸嘅。”
点击睇黄碧莲IG靓相：