盖世宝重提被调离儿童组爆喊：唔𫔰心谭玉瑛姐姐离开先
撰文： 邝钰莹
出版：更新：
盖世宝于2019年离开效力23年的TVB，主要原因是2015年时无线大规模改革儿童组时，她被调离工作了18年的儿童组，被减人工不特止，更沦为茄喱啡试过九个月没工作。直到今年，王祖蓝诚邀盖世宝回巢，与谭玉瑛、黎芷珊主持《童你一起长大了》。
盖世宝日前接受港台节目《安哥同学会》访问时，重提被调离儿童组一事，她指当时并不感到打击，因为早已预计到，但提到谭玉瑛当时被转型幕后做顾问，而自己继续留在幕前时，盖世宝一度哽咽流泪。“不过冇预到系成个节目、所有人唔喺度。一直都有心理准备每次换人都可能有自已份？你凭咩留底？我冇谂太多 。𠮶段时间唔系咩打击，系我觉得唔开心……谭玉瑛姐姐佢离开先，我唔钟意。”
盖世宝表示节目结束后，其实并非太难过，自己唔钟意嘅系结束方式不得体。“ 一系一齐走，一系一齐消失。做咩要前后咁，而且前后唔make sense，我留守到最后系挨，𠮶半年系挨，你知我哋做节目要好开心，其实我深深处唔开心，𠮶种无奈系几难受。我哋个厂不嬲都好嘈，有啲熟悉嘅工作人员比我感觉好似入灵堂咁，因为知道倒数中，其实就系强颜欢笑，𠮶半年系唔开心。”
盖世宝回巢｜盘点历年儿童节目主持去向 两人因王祖蓝而重返TVB
+15