胶战S2︱孖拍档拍广告揾真银　刘沛蘅Hillary：笑到我牙骹攰

ViuTV游戏真人骚《胶战S2》承接上一季原班人马刘沛蘅（Hillary）、吕爵安（Edan）、岑珈其、魏浚笙（Jeffrey）、徐浩昌（肥肠）与黄正宜（阿正），“六胶”默契十足，继续向观众大放笑弹。虽然他们在节目中经常互相伤害，现实中却情比金坚，更齐齐揾真银！Hillary、珈其、阿正与肥肠最近便获邀拍摄广告，“四胶”大玩童年游戏“狐狸先生”抢食炸鸡，他们未埋位时他们四人认真玩，点知阿正原来不懂得游戏规则，令珈其立即爆Seed：“你真系唔识㗎㖞！”非常搞笑。

整个拍摄过程非常愉快，Hillary亦相当享受，她笑说：“今次算系第一次同《胶战》嘅朋友拍一个有剧情、大家一齐演戏嘅广告，平时大家系一齐玩，但今次就一齐演戏，又可以同珈其呢啲老戏骨合作，佢真系好好戏，就算呢个系有趣嘅故事，都系好开心、好满足呀！最开心就系可以同佢哋一齐做嘢，成个过程系超级开心同好嘈，笑到我牙骹都有啲攰，因为成班都好贪玩。”

访问期间阿正突然乱入，笑爆自己肚子在拍摄期间不舒服，要一直忍着完成拍摄，自认十分专业。Hillary即笑说：“其实我哋之前拍咗一季《胶战》，而家第二季已经拍到一半，所以默契点都有，欢迎客户们揾我哋做嘢㗎！我哋有默契又好专业，拍摄过程会好开心。我当然想大家一齐好，今次得我哋四个，剩两个，其实我哋六个可以一齐拍住上、一齐揾真银架！”