陈凯琳爆郑嘉颖系慈父　自认似阿四︰当正囝囝系皇上

艺人陈敏之有经营自己的YouTube频道，她不时邀请艺人们上节目聊天，最新一集《Chi Chat》请到港姐冠军级人马陈凯琳（Grace）做嘉宾，她自爆当年对老公郑嘉颖的第一印象和相识的趣事。

敏之跟网民分享与Grace认识的经过，事关二人合作不多，却非常熟稔，原来她们早在Grace于2013年选港姐时已结缘，Grace说︰“我喺加拿大长大，我觉得TVB所有人……哗！终于见到黎耀祥，哗！陈敏之，我见到敏之嘅时候系超级兴奋，佢化紧妆嘅。”敏之再爆Grace当时跟同届佳丽在一起，突然“一支箭”跑到她面前，再蹲在她身旁，想跟她的视线一样，敏之大赞Grace超级有礼貌，Grace之后像个小粉丝一样地说︰“Hello！你好靓啊，好钟意你啊，你好瘦好高好靓。”当时她更说得出敏之拍过的《公主嫁到》，连剧集细节也说得出。敏之更跟她说︰“我知道你系大热门，你放心，我会投你一票，你一定赢。”敏之表示当时心想︰“好叻！呢个女仔又靓又有学历，讲真佢主动啊，aggressive（进取的），呢个系做呢行冇得输嘅。”

敏之不断向Grace“笠高帽”，赞她“叻、甜、靓、正”。敏之直问Grace有没有幻想过她的老公是郑嘉颖，Grace表示︰“我都觉得我老公系靓仔嚟，但我细个系觉得绝对绝对系唔可以同一个靓仔结婚，我会觉得好冇安全感，我觉得佢靓仔，其他人都会觉得佢靓仔啦，你点知啊？竞争咁大，咁我又唔系觉得我自己系什么。郑嘉颖呢个人，我又会觉得个距离好远，即系好似我睇你，睇电视唔会谂呢啲。（敏之︰我以为你话年龄距离远。）都有啲距离嘅，不过呢个就唔紧要啦。”

Grace提起老公就好冧，不过她就觉得对方是一个好cool的人，当年她还在拍《名门暗战》时，郑嘉颖就在拍《天眼》，但对方经常在她的厂外面行来行去，或者入厂看他们，有一次郑嘉颖好冷酷的说︰“你要多谢我，你知唔知啊？”当时Grace一头雾水，到后来才知道，原来郑嘉颖跟监制阿Joe（陈维冠）很熟，他跟阿Joe说︰“我入厂嘅时候见到呢个女仔拍剧，我觉得佢有heart，你畀啲角色佢做啦，佢OK嘅。”所以Grace第二部剧就已经拍《四个女仔三个BAR》做女主角，极速上位，原来当日郑嘉颖的一句“多谢我”就是这个意思。

而Grace又讲到大家都说郑嘉颖自从有了小朋友后，转变了很多，Grace表示老公超级锡两个囝囝，她说︰“我谂我个仔两个月大嘅时候，佢已经系同其他人讲，‘呢个咪皇上啰，我哋个个都系服侍紧佢’。”即刻变慈父！

点击下图看Grace一家人的靓相︰