东张西望｜6岁天瑜遇医疗事故　自闭症哥哥：唔想妹妹做植物人

日前《东张西望》报道6岁小天瑜疑因医疗失误，惨变植物人。天瑜的爸爸周先生几经追问原因，医院在半年后才回复有关查询，表示是因为临床医护人员与血库方面的沟通问题，所以发生了延迟输血事件，《东张西望》派出利颖怡到天瑜家中跟进事件。

事件曝光后引来极大回响，天瑜爸爸感谢各界支持，但对所有捐助均表示婉拒：“大家有心，我心领喇，不需要，而家生活都勉强可以，唔系冇钱开饭，同埋唔想呢件事加添其他色彩。我公开呢件事唔系卖惨或者众筹，只系想同个女有交代，为佢讨回公道。网友们畀好多建议方案我，心入面团火再次重燃，有番希望，可以再尽力啲去医番好个女，可能机会好渺茫，但作为爸爸，面对咁嘅事，就算机会系千分之一都要去做，老实讲，好辛苦，但对比起个女受嘅苦，我嘅苦又算得啲咩？”

天瑜至今已躺在床上16个月，一直在大口环根德公爵夫人儿童医院留医，而天瑜哥哥轩轩原来患有自闭症，对妹妹消失多时不明所以，爸爸哽咽讲解妹妹的情况，轩轩听到“植物人”的字眼天真地问“点解”，又主动话要为妹妹祈祷，“亲爱嘅天父，我希望妹妹快啲好番，快啲返屋企，我唔想妹妹做植物人，快啲返屋企。”令观众无不感伤。