梁敏巧变新《东张》女神　靠儿童节目训练：我比较蠢要每事问

加入无线两年嘅梁敏巧(Maggie），自儿童节目《Think Big天地》结束后，随即获安排做《东张西望》外景主持，最近终于获网友留意，封她做新晋《东张》女神。不过要知道《东张》专题报导不时充满危机，对于做惯厂景嘅Maggie嚟讲，确系大挑战。“开头有少少唔惯，因为外景嘅执生能力要再高啲，要一眼关七，因为啲嘢秒秒钟都唔同，去外景锻炼一下系一件好事。而且老细俾咗一个任务我哋去做，点样去做就系由我同啲幕后一齐去谂，要谂点样去达成呢个过程系一件有挑战性嘅事，觉得好好玩，做到都好有成功感。”

Maggie笑言自己比较蠢，所以习惯每事问，幸好工作人员都肯细心教导，不过她亦坦诚曾经因为表现不佳而被监制照肺。“试过比监制叫入房表明唔满意我啲VO，之后我就日日大声读报纸，练咬字、抑扬顿挫、分句，跟住再听晒每一集东张西望啲同事录成点样，学习佢哋嘅语气，VO完又会问dubbing 同事录得好唔好，因为佢哋始终成日听，可以比专业意见我，而家啲幕后都觉得我有进步。”

出外景3个多月，对Maggie来说暂时最有印象系访问一位失明嘅婆婆，由于佢所住嘅公屋有天花石屎剥落，但又未获调迁，眼见婆婆讲述惨况时落泪，Maggie又忍唔住喊埋一份，事后她亦有检讨，并谓“做前线嘢自己嘅情绪管理同心态都好重要。”努力实有人留意到嘅!

梁敏巧嘅YT频道虽然片量唔多，但都有值得留意嘅地方