星空下的仁医︱少女版钟嘉欣-吕静文　开剧前狂睇钟嘉欣作品偷师

《星空下的仁医》首周直播收视18.5点，在内地豆瓣评分亦有9分，暂时是今年最高分数的剧集，《星》剧绝对是一个完美开局，除了三位主角，马国明、钟嘉欣、郑嘉颖抢镜外，饰演他们三位少年版的演员，亦得到关注，其中以少女版钟嘉欣(吕静文Bonnie)最为突出，首次拍剧演出自然，她表示为演绎到这个角色，她事前看了很多钟嘉欣的作品。

吕静文Bonnie接受《香港01》访问表示，剧中导演开剧前叫她多看钟嘉欣的作品，她说：“当时系剧组觉得我个样似钟嘉欣，跟住揾咗我去试镜，佢哋觉得我有啲性格，小动作都似嘉欣，所以如果做少女版角色都几适合啰，当confirm咗我做呢个角色后，导演俾咗份功课我，叫我睇多啲钟嘉欣以前嘅作品，例如《溏心风暴》𠮶啲，留意下佢啲性格，嘉欣讲嘢𠮶阵有咩肢体动作呢?叫我要留意呢啲，同埋导演话嘉欣喺《星》剧有单眼呢啲signature 动作，就叫我留意下，睇下我有咩位加返呢个动作。”

为了三位年青版演绎得有主角神韵，剧组亦鼓励吕静文、孔德贤、曾展望多留意三位主角的演出，吕静文更把握机会同钟嘉欣多交流，她说：“𠮶阵时都有同钟嘉欣倾偈，佢都话我好似佢啱啱入行嘅样，我哋两个样排埋，好多人话都有少少似，嘉欣真系一个好nice嘅人，见过面之后，有次喺公司撞到，佢都会问我拍成点?系咪拍紧，听到呢成个人都好warm。”