林子博已搬入两层高大屋　仔女发烧不怕互相感染

前TVB娱乐台主播林子博于今年8月宣布希望能够实践亡妻董燕君的遗愿，将仔女培育成材而举家移民英国曼城，他们一家到埗后更开设YouTube频道，与观众拍片分享揾屋、揾学校和揾工作时所遇到的困难。他于周二（19日）拍片表示已经搬入一间楼高两层的新屋居住，解决了之前在酒店无办法煮食的问题，又透露两个仔女已经找到学校读书，然而最近两姊弟却一齐发烧，他只好在当地药房频扑买药，亦很担心会与不慎确诊新冠肺炎（Covid-19）。

子博坦言虽然自己有带于香港购买的成药，但由于一对仔女先后出现发烧、感冒、流鼻水、咳及有痰的征状，因此他都不敢怠慢，更买了快速检测包以防万一：“我喺超市买咗成箱药看门口，毕竟呢度唔同香港，香港周围都系私家医生，呢度啲人有病好多时系睇政府医生，因为私家医生系几贵，门诊起码要70英磅，即系港币700元以上，呢度有咩伤风感冒，都系自己去超市买成药食。因为佢两个发烧吖嘛，咁想稳阵啲，我朋友就叫我买快速检测包睇下系唔系中招啦，做完之后睇番个报告，好彩系冇事。”

子博透露最近已搬离酒店，入住两层高又有得煮食的住所：“香港地方比较细一间屋可能得几百呎，当一个人唔舒服好易惹到第二个、第三个。我而家住嘅地方就有两层，有几间房，变咗大家分别喺唔同地方自我隔离，总之你喺自己间房就可以除口罩，出房就戴口罩，我要落去下层煮嘢畀佢哋食。”

他又表示之前计划在这几日去打疫苗，保障自己又能保障一对子女：“其实一直以来我都系未打疫苗，之前睇好多报道都话疫苗会有副作用，我又要照顾两个小朋友，我就觉得既然疫苗未成熟，不如唔好打住。但系而家我就谂住打，原因系因为喺呢度经历咗佢哋两个唔舒服，我都好担心我自己会中招，我一中招佢两个我就唔知点算！”