传MIRROR明年7月开红馆 陈卓贤AK睇报道先知：如果系好开心
撰文： 陈芷颖
出版：更新：
MIRROR成员陈卓贤（Ian）和江𤒹生（AK）今日（20日）现身尖沙咀酒店出席时装品牌周年活动，他们更会与两名幸运粉丝一同乘搭直升机观赏维港美景。Ian和AK接受访问时表现兴奋，畏高的AK说少少紧张不过非常期待：“由细到大都未坐过，想坐好耐。交通工具系可以承受嘅畏高。”自小梦想成为飞机师的Ian表示：“做唔到揸𠮶个都做到坐𠮶个，（AK：一阵同佢讲等你揸）唔好喇，我哋冇考牌，可以睇到成个维港景色，开心嘅。”
最近有指MIRROR将于明年7月落实开十场红馆演唱会，Ian和AK表示都是看报道才知道，Ian说：“全部详情都唔知道，首先系咪开都未知道，日期呀详细都未知，如果系都系好开心嘅事情，再有消息就同大家讲。”AK透露公司是想有红馆档期，但日期是否如报道所说就未知。假如真的开十场红馆骚，AK笑言要锻炼身体：“比上次九展多四场，投放嘅Energy更大，体能消耗多好多，大家要跑下步练下气。”
MIRROR六子年尾的演唱会要以“天价”才能获得入后台合照机会，AK只知道今次的演唱会门票是要兑换：“唔知道个分价值几多先换到一张飞，好想支持我哋嘅朋友嚟睇，亦都好担心佢哋嚟唔到睇或者要买黄牛贵飞，所以都同紧制作单位讲可唔可以网上都有转播，买唔到飞嘅都可以睇。”下个月是MIRROR成军三年的大日子，AK说当日会推出团歌：“下个月3号会出新歌连MV。”
另外，Ian的新歌《搞不懂》应援去到纽约时代广场，他说有留意亦非常开心：“大家好有心，会身体力行去支持，想多啲人听到我做嘅嘢，好多谢佢哋。上次英国，今次美国，都几开心。”AK笑指：“上一次系铜锣湾时代广场，而家系纽约时代广场，好威呀！”
点撃睇更多Ianson靓相：
+8