陈柏宇欢迎歌迷睇演唱会大合唱唔怕被影响：呢啲系气氛嘅需求！

陈柏宇（Jason）及沈殷怡今日（20日）现身电器店出席电脑程式体验揭幕礼，Jason笑言自己并非什么电脑或科技专家，但在学用电器方面从来没有太大的问题，因为只要对生活上有帮助的话就一定能学得懂。然而，他却不想4岁囡囡Abi太早接触科技产品，因为她由于正值学习能力最高的时期：“都有畀佢玩少少小游戏揿下揿下嘅，但我冇畀佢喺电脑度玩游戏，我自己亦都唔会喺佢面前打机，因为我觉得佢暂时呢个岁数未需要接触得太多，都唔想令佢太早知道打机呢个概念。”

早前Jason宣布将于12月连开两场红馆演唱会，消息一出就令歌迷引颈以待，他笑言演唱会本来原定于去年举行，但都没有特别担心会“搞唔成”，只怕“搞得唔好”：“只能够全力以赴，希望可以喺有限嘅时间入面能够做到晒我哋心入面想做到嘅演唱会，而嘉宾人选方面已经决定咗啦，但呢一刻都唔想透露太多！”

不少网民在网上大呻，在不少演唱会中常常听到歌迷坐在台下大声合唱，以及现场派发的打气棒声音而听不清歌手的歌声，Jason笑言自己站在台上唱歌反而没有受到影响：“如果系一个人喺远处嗌嘅话应该就阻唔到任何嘢嘅，但成个红馆嘅人做同样嘅嘢先会影响到歌手，但其实呢啲系气氛嘅需求，而且派得pompom畀人即系容许啦，当然你唔好系唔系都用啦！（你都会好欢迎大家同你一齐大合唱？）你觉得时机啱嘅咪做啰，时机唔啱咪唔好做啰！”

点击观看更多图片：