赌命夫妻︱Dennis食软糖锡埋冇叫停　老婆嬲爆怒掴对方：好失望

由火火和陈嘉倩主持的ViuTV真人骚节目《赌命夫妻》邀请五对夫妻玩游戏赢取奖金，昨晚（15日）播出的一集，五位人夫与PTGF在游艇大玩挑逗游戏，人夫蒙着双眼接受PTGF的一切引诱，只要没有叫停即可获得2,000元奖金。游戏期间，五位人妻在老公不知道的情况下登场，并取代PTGF的位置继续挑逗对方，当中Dennis太太Teris更玩到怒掴老公，哭着离场直言：“好失望，破坏咗咁多年嘅信任。”

游戏期间，Teris先从后拥抱老公Dennis，再用屁股磨擦对方背部，其后出动食软糖攻势。他们愈贴愈近，Dennis亦一直没有叫停，最后二人更咀嘴数秒。Teris一怒之下掌掴老公，情绪激动离场。她向工作人员哭诉指对Dennis非常失望：“清醒冇饮酒嘅情况同一个女仔Kiss，仲有互动，差在条脷未伸出嚟，我个人开始震。好似平时锡我咁锡一个女仔，平时落酒吧饮酒，有几多嘢我睇唔到，我好失望。”

逐格睇Dennis与Teris玩食软糖：

Teris情绪激动并充满失望和愤怒，火火决定与两位倾诉他们之间的问题。Teris说感受到接吻时，Dennis有作出互动因而感到非常失望：“最介意系我锡佢，想挑起佢底线。我同佢互动，佢真系畀互动我，我感受到佢个嘴同我有互动，𠮶一刻我身份系PTGF，佢都唔识Say No。𠮶一巴系好失望，破坏咗咁多年嘅信任。”

Dennis亦有就事件作出解释：“我𠮶刻系食紧糖，都系慢慢吸入去，其实需要反应时间。例如揸车有咩意外，有人撞埋嚟，都要0.5秒、1秒先有反应扭軚，𠮶一刻冇可能有咩互动。”不过他的言论却引来网民闹爆，直指他歪曲常理：“揸车0.5秒反应同食糖都可以拉埋一齐讲，点都话自己冇错。大佬呀！第一秒食糖都知会有机会锡到啦！玩嘢咩”、“食糖食到锡埋，都重可以自己笠水，老婆嬲都好应该下话”、“老公出轨因为第三者勾引，个仔反叛就系隔离同学教坏，点解唔将个问题责任放返落自己到？”

对于不少网民叫他们离婚，Teris亦在IG上载黑白色合照指自己傻傻地爱着Dennis：“暂时宣布RIP，好多网民都叫我哋‘离婚’，离婚我咪好伤心啰。大家都知道我系喊包，好容易喊，离婚咁大件事，应该哭到1公升眼泪，但我真系傻傻地爱着呢个男人。连登嘅朋友仔，我有睇晒你哋嘅留言㗎。你问，我答，最多人问嘅10条问题，我将会逐一解答大家”。网民看后不禁疑问：“你老公有咩好？你有咩唔好？可以咁忍对方。”

同场加映

赌命夫妻︱Benson沉船认对Mangie有好感　言行遭闹爆：放生老婆喇