邓丽欣38岁生日唔约男仔 怕畀人影到：我不嬲比较佛系

邓丽欣（Stephy）今天（12日）出席时装品牌活动，不过撞正打风，Stephy坦言是相当担心：“我今朝起身就问会唔会取消，好担心大家出唔出到嚟，但好彩都冇咁快打。”

最近香港经常打风，Stephy都是留在家中，不过在家中她表示都非常忙碌：“我会睇剧本，又准备一啲角色嘢，其实我变态啲，因为拍个套戏要沉重啲，我揾好多呢类型戏睇。（打风都冇得休息好惨）其实冇话好惨，经过疫情呢一年，大家有工开系感恩。”

新加坡媒体发展管理局（IMDA）主办的亚洲学院创意奖（Asian Academy Creative Awards）上周公布各个亚洲国家及地区大奖入围名单，邓丽欣凭剧集《男排女将》成为香港区最佳女主角，得到这奖项连本人也说非常意外：“自己都冇谂过电视剧上会得到肯定，拍到一个自己钟意题材，得到呢个奖项真系Bouns。”

10月15日便是Stephy的38岁生日，当天Stephy并没有安排什么庆祝活动，生日愿望笑言也不会是要一个男朋友：“生日冇乜特别，冇大心情庆祝，我不嬲比较佛系，好多嘢都唔特别强求。（男仔约你你都唔出？）废事畀人影嘛，讲笑啫，冇特别要去约男性朋友。”