青年心城｜林正峰望不分敌我令本土青春剧冲出香港：不妨放低偏见

无线（TVB）电视剧《青年心城之撑起青春》周四（7日）举行发布会，首度担大旗的男女主角林正峰及游嘉欣直言有压力，林正峰接受《香港01》说：“成件事其实筹备得好急，开镜前个礼拜我都瞓唔着，一嚟好多对白、又跳拍得好劲，短短几日经历拍拖分手，对新演员嚟讲挑战性几大，呢个角色同我嘅价值观仲要完全相反，我为佢设计咗好多颓气举动，完咗之后个礼拜都出唔返个角色。”游嘉欣认同林正峰的辛苦：“我担大旗始终都紧张，成套剧好唔好睇主要都喺我哋嘅部份，都有少少压力，但更加想突破自己。”林正峰认同这部作品令二人都极速成长。

二人表示默契度高的程度连拍亲密戏份都零尴尬，游嘉欣指：“我同佢喺办公室有少少亲密行为，收音师喺完场后话我心跳得好快，真系去到噗噗噗噗程度！”林正峰指二人很能在荧幕前营造心动感觉，问起二人在现实中会否有可能成为真情侣，游嘉欣说：“冇嘢冇可能嘅，但需要考虑下，唔会咁容易应承。”有女朋友的林正峰就率先戴定好多个头盔，但仍大赞拍档：“游嘉欣嘅角度好难钟意一个人，所以A0系有佢嘅原因，不过佢都系一个超级几好嘅女仔。”

说起友台ViuTV制作的青春剧《男排女将》等口碑不俗、讨论度高，问及会否担心有比较，游嘉欣表示：“有比较先会有进步，如果啲人肯比较、证明佢哋都有用心睇过我哋部剧，有意见我都会虚心学习。”林正峰认同指：“我自己都系后生仔，明白大家嘅心态，有时见到一啲自己唔钟意嘅嘢就会想去评论，当自己去拍剧就发现台前幕后都付出咗好多心机，所以畀评语嘅时候，不妨放低所有偏见，睇咗剧再评论。”

林正峰表示有留意友台剧集，亦喜欢良性竞争，自己与正在拍摄ViuTV电视剧《i.Swim》的Jeffrey（魏浚笙）及Phoebus（吴启洋）更是份属好友，他续言：“世界真系好细，私底下我都有探下班，大家都系去追梦，我哋互相勉励都系一件开心事，我最想系一齐努力令本土嘅青春剧可以跳出香港，唔使分咁多，最紧要做到好嘅成品。”