马德钟刚拍完TVB新剧《双生陌生人》　立即宣布重操故业做G4？

马德钟（马神）和儿子马在骧今日（6/10）到新蒲岗出席无线（TVB）剧集《我家无难事》宣传活动。提到剧情进入大直路，马神接受《香港01》访问时坦言角色会有成长：“希望观众透过我呢个咁多缺点嘅角色有得着，学识点样同其他人相处，亦会学识珍惜家人。（观众觉得角色唔讨好兼冇咩发挥！）觉得唔讨好就啱喇，佢集好多缺点于一身，唔好将主角光环放落个角色度，其实人系好多缺点。（觉唔觉咁样会难咗争奖？）冇谂啲嘢啦！”

谈到马在骧在剧中饰演年轻版的马神，问马神如何评价儿子表现，他坦言对方的演出只得刚好合格的50分：“鼓励性质咁畀，第一次嚟讲佢系好多嘢需要多多学习同注意。（有啲网民评阿仔个样老过你。）冇乜所谓，咩评论都有，首先要知自己用咗几多努力，讲得你啱就改进，讲得唔啱咪一笑置之。（阿仔有冇因为咁唔开心？）佢冇，冇受呢啲影响。（有冇戥阿仔心痛？）我都冇受呢啲嘢影响。

另外，不久前拍完新剧《双生陌生人》的马神亦在访问中透露刚刚接拍另一套剧，警队G4（要员保护组）出身的他更在剧中饰演前G4角色：“我相信系有100%嘅说服力，我觉得冇人敢话我得唔似，咁呢个都系背景啫，所以想快啲收齐剧本了解埋人物性格。”又指自己为操Fit Body拉伤膊头，所以是日活动无法攀石显身手：“想快啲好番继续做运动！”