Aka赵慧珊重提Super Girls眼泛泪光　自觉付出不够︰唔系好称职

女子组合Super Girls队长赵慧珊（Aka）昨晚（4日）担任ViuTV节目《有酒今晚吹》的嘉宾，她说三年前成员开始作个人发展，回想起与她们一起工作的日子，Aka非常感触更眼泛泪光自觉付出不够：“我好挂住五个人一齐嘅时候，我觉得我唔够关心同爱大家，𠮶时觉得做嘢就做嘢，觉得自己唔系好称职。如果咁多年可以畀多啲关怀，而唔系做完嘢就算，可能会再好啲？”

Aka透露成为队长是因为她入行前是一名娱乐记者，所以懂得回答记者的提问。她亦有重提当年做记者的所见所闻：“好耐之前，陈冠希同农夫要去一个地方，公司话‘快啲跟狗仔队车，帮我跟佢哋，然后跟佢哋去酒店’，我上咗狗仔队的车，风驰电掣咁跑去做访问。”主持人练美娟问Aka会否担心有生命危险，她坦言只担心问不到艺人回应：“唔会觉得有生命危险，净系惊问唔到嘢。如果隔离台问到，我问唔到，我大获。”

当年的报馆讲求独家新闻以及抢先报道，Aka回想起做记者的辛酸，不过同时庆幸有这些经历：“等十几个钟，可能好多蚊，又或者夜晚喺灵堂定殡仪馆门口等，你都要等，冇得去厕所，你要食嘢就自己搞掂，呢啲经验都几特别。庆幸做过娱乐记者先入行做艺人，知道佢哋要咩，同埋都系公司吩咐佢哋做。”

做记者的经历令她入行后更懂得应对记者，Aka说多年前曾经同一位男艺人传绯闻，保姆车司机跟她说“暂时不能送你回家，后面有车跟着”，于是她便到超级市场逛逛，却发现后面有人跟着自己：“我直接问佢‘Hello，其实我有啲咩帮到你？不如我答你几个问题。’其实行家都辛苦，佢都收唔到工，我话不如我畀几句你，大家收工，同佢讲今日做过咩，然后点点点。”Aka再三提到幸好曾是娱乐记者，否则成为艺人后只会觉得他们为何要这样做，却不明白其实是公司的命令。

同场加映

Anson Lo公开内裤代言照拍摄花絮电晕神徒：要我哋几多晚瞓唔着？