杨洛婷自揭被旧公司迫整容　坚称系事实：唔系特登作故仔

撰文： 邝钰莹
出版：更新：
杨洛婷早前发文指被旧公司迫整容，因拒妥协而遭雪藏，她今午出席活动时叫大家唔好太focus 。（陈顺祯摄）

杨洛婷今午出席护肤品牌活动，她表示由于一个人照顾两个小朋友，所以根本无时间做护肤，只会选择做眼部的护理，至于老公Tim，杨洛婷就以“天生丽质”形容对方，指他一年才会做一次疗程。

对于老公在演唱会上以“一生最爱嘅女人”形容囡囡Tanya，杨洛婷话唔会嬲，仲大赞老公锡小朋友系好事。(资料图片）

提到早前在IG发文指旧公司因拒绝整容而被雪藏一事，杨洛婷表示系因为睇完5场Dear Jane演唱会后有感而发，但不愿多作回应。“大家唔好咁focus喺呢件事，我发文系因为好欣赏Dear Jane嘅坚持同好感动，冇谂过首首歌大家都识唱，同埋大家都经历咗15、6年，真系有感而发，讲返佢点支持我、两个人样互相扶持。”

杨洛婷话因为细仔未戒奶，因而令自己严重唔够瞓。（陈顺祯摄)

杨洛婷03由加拿大回港香港参加选美，并获得亚军，至2014年离巢后与Tim结婚，问她有否因靓样被质疑而感到耿耿于怀，她说：“我性格好直接，无谂过系因为耿耿于怀而讲呢件事、完全无planning，只系想讲咪讲啰，我讲嘅都系事实，唔系特登作故仔，我又觉得无咩嘢，每个人都有自己经历，而呢个经历系可以睇到我哋点支持大家，所以就分享咗。”她又表示已经忘记当年嘅反应，只系记得与Tim分享呢件事嘅时候，对方嘅回应系“得！我照顾你，将我半份粮帮你交租。”

同场加映:靓妈杨洛婷曹敏莉性感水着震撼视觉　网民大赞：身材仲好过选美时

+39