童你一起长大了｜龙炳基爆星爷经常唔带钱返工：搭的士问我借廿蚊

由谭玉瑛、黎芷珊及盖世宝主持的《童你一起长大了》于昨晚8点半首播，节目为大家一起重温不同年代，小朋友放学后睇期待的儿童节目，同时唤起大家对童年美好时光的集体回忆。第一集就有《430穿梭机》的主持们，除了有元祖主持机长张国强及副机长谭玉瑛外，还有前主持陈嘉辉及龙炳基同大家一齐话当年。

与周星驰（星爷）一同于艺训班出身的龙炳基，于1983年加入《430穿梭机》并于节目《黑白僵尸》内扮演“白僵尸”，1991年移民美国并成家立室，2005年曾短暂回港为亚洲电视主持烹饪环节，现已回到美国生活。他在节目中透过视像分享节目点滴，说儿童节目之宝谭玉瑛姐姐记性超好：“你畀份稿佢，五、六张纸佢都唔漏，标点符号都记得，仲要连你𠮶句说话都可以记埋。”

龙炳基也分享到，原来星爷除了是艺训班同学外，也是他和太太的媒人：“𠮶时帮《黑白僵尸》喺厂度拍Opening宣传片，我同星仔要喺天窗度跳落嚟，星仔跳先，但佢可能出于本能惊，就缩起咗只脚，当时我跳紧落去，咁就撞咗落我个鼻骨度，咁就爆咗，我成个鼻歪咗。然后我入咗医院，但就因为咁识咗我老婆，曾华倩次次见到我都笑问：‘你仲系𠮶个护士老婆？’”

他又笑指星爷“大头虾”，经常会“唔见银包”或“忘记带银包”：“咁佢会点呢？佢住得公司近吖嘛，咁佢搭的士返到嚟，然后就冲入嚟化妆间：‘基仔基仔，拎住廿蚊嚟。’我就会问：‘又嚟做咩？又唔记得带银包？’架的士就喺出面等紧，佢又冲番出去。有时喺Canteen食嘢，佢唔记得带银包又系咁：‘喂！龙炳基同我畀住钱先。’我谂谂吓，佢有冇畀番晒啲钱我呢？我借咗咁多次钱畀佢。哈哈。”

谭玉瑛即打趣谓：“唔怪得我见亲佢，佢第一句都系问基仔依家点，可能佢想还番啲钱畀你。”黎芷珊则笑言：“佢（星爷）对我哋冇咁架㖞，出去食嘢系佢畀钱架㖞。”张国强闻言即开基仔玩笑谓：“你喺佢心目唔系龙炳基，系提款机㖞！”

由于星爷练开泰拳，众人指他当年有“泰仔星”之称，黎芷珊更透露当年星爷最爱找她做靶练腿功，而她则由最初的“大吓一跳”演变到最后“冇晒反应”。另陈嘉辉则扮演“论尽的工作人员”现身录影厂与昔日拍档重聚，由于他低调神秘又蛊惑，一度吓窒芷珊与谭玉瑛，场面搞笑。

点击下图睇精华片段：