网友煽动裕美与未来奶奶拳场决胜　林作：打我老母？我都想睇

林作与女友裕美周三（29日）为开电视节目《世界零食开仓战》担任嘉宾，林作大放闪光弹透露遇上裕美后为自己的人生带来许多改变：“我遇到裕美之前系唔食零食嘅，因为细个妈妈家教好严，觉得食零食就系坏小孩。（几时开始反抗妈妈？）同左裕美一齐之后。”令裕美激动表示：“你唔好乜都赖我㖞！”

林作与钟培生拳战后获酬劳94万，问起会如何使用，他就表示维修车辆及冷气都要好几万，随即被裕美揶揄穷，林作就承认道：“底裤都穿窿好多条，终于可以换，多谢钟生。我都尤其系心态穷，希望有多啲机会为市民提供娱乐兼收取收入。”至于普罗大众提议出名关系势成水火的裕美及林作妈妈王莉妮也打一场，林作就举手附和道：“打我老母？我都想睇！想Sell呢条桥畀钟生！我做旁述‘哥斯拉大战⋯’（要收几钱？）起码都一人一球啦！我觉得收视会好高！”不过裕美就推搪指：“唔想打长辈，伯母就唔好喇！”

今日杨洛婷在个人IG指控前公司无理迫她去整容，她未肯就范就被无情地雪藏。林作指：“我未入行已经被要求整容，我一直都好想整，但系太贵我冇资金。（最想整边度？）我想换咗个头佢！”裕美就未有类似经历：“我间公司冇，坦白讲我14岁入行发育未完成，叫我整咩呢？细个鼻又生高紧、眼又生大紧，整完咪仲奇怪。我以前最多嘅要求就系减肥，以前初出道好肥，减到个身冇肉块面都系肥，唔可以食嘢好大压力；但我都听讲过第二间公司有整容嘅要求，唔接受就会被踢出组合。”林作就执着于裕美脸上的癦为何未脱，更指要动用拳酬替女友脱癦。