败者重生战︱赵学而担任导师　预咗会闹学员：最唔钟意人冇礼貌

赵学而今日（22/9）以导师身份到北角出席选秀节目《败者重生战》开镜拜神仪式，她接受访问时表示：“我作为导师，除咗指导一班参赛者喺唱歌同演戏方面之外，我谂我会用我嘅能力去调整佢哋嘅心态，不论输赢，最紧要系指导佢哋用咩态度去面对，呢个先最为重要。（参赛者做得唔好，唔会唔闹？）呢个肯定会。因为我觉得近年嘅年青人系缺乏基本礼貌。首先我喺度单声先，我最唔钟意人哋冇礼貌，打招呼呢样嘢系基本事，如果冇嘅话一定会扣印象分。尤其喺我哋呢行，系群体性工作，咁所以人际关系系好紧要。如果对方认为冇问题，咁我就好难帮到佢。”