爱回家｜刘丹中秋要开工拍剧　揭前新抱杨幂过时过节电话冇到

刘丹（丹爷）今日（20/9）现身将军澳电视城出席无线处境喜剧《爱·回家之开心速递》之“人月两团圆”宣传活动。提起可以和孙女小糯米过中秋玩灯笼，丹爷苦笑：“当日我要开工拍剧。不过，小糯米日前就约咗佢啲同学仔及家长一齐玩灯笼，仲影咗好多相畀我睇，佢哋真系玩得好开心。而佢嫲嫲已经计划好晒，唔知听日知会带佢去边度玩，总之佢哋系有节目。（小糯米爸爸喺内地工作未返港？）系呀。因为来回都需要隔离时间又长，咁所以得闲佢都唔敢返嚟。（前新抱杨幂过时过节有否电话到问候？）冇。唔好问呢啲喇，哈哈！”