旧日的足迹｜莫文蔚喜见乐坛新人辈出：有留意姜涛，炎明熹唱得好

近2年香港娱乐圈新人辈出，两个电视台举行的选秀节目诞生不少新星。入行28年的莫文蔚亦点名睇好：“我都有留意姜涛，佢咁靓仔我一定留意。另外，炎明熹唱得好好，好专业。”

莫文蔚迄今已入行 28 年，近月亦曾担任《声梦传奇》决赛嘉宾，她接受香港电台第一台《旧日的足迹》主持车淑梅访问时谈及对乐坛新人的看法：“我发觉近年香港乐坛变得活泼好多，新晋歌手（嘅演出）好精彩，（佢哋）好积极。Mirror 我未有机会接触，但我有留意佢哋嘅一举一动，因为哄动全城。呢班后生仔受欢迎系好事，香港乐迷以前都好钟意追捧日本歌手、韩国歌手，我哋本土都可以有呢啲 Boy Band，支持番自己人。我欣赏小师妹黄妍好有文艺气息，我都有留意姜涛，佢咁靓仔我一定留意。另外，炎明熹唱得好好，好专业。我哋以前 10 几岁都傻吓傻吓，佢哋系新人，好快就去到呢个位。自信、有胆色、唔怯场，完全系新世代！我而家先识开窍，我会继续唱，因为我未封咪。”

淑梅姐问 Karen 为何近年鲜有在电影出现？是否在等待周星驰的邀请？“佢随时可以揾我，如果佢钟意的话。我哋好耐冇联络，因为冇特别原因……早几年佢有揾我同秋官（郑少秋）一齐合唱《美人鱼》主题曲。可以同秋官合作一首咁有 power 嘅歌，佢一问，我就答应左。”至于歌酬如何？是否一餐饭的酬劳？Karen话：“其实佢随时可以请我食饭，歌酬？我唔记得咯，正正常常咁啦！实在星爷咁多年嚟都有好多好好嘅 idea，佢叫我做嘅每一件事都好正，好似《食神》里面嘅丑女角色，真系梦寐以求，系一个好机会，因为同我本人反差愈大，就愈 show 到演技。佢嘅作品、佢睇嘅嘢真系好独到。如果佢揾得你，都应该无走鸡，哈哈！”