早霸王｜已婚男自爆揼邪骨只因太挂住前度　 森美：你系咪痴线？

由森美、小仪同Marco主持嘅《早霸王》之“你知道唔知道有人挂住你”环节，撮合过不少情侣。喺最新一集，男听众阿仁表示自己做太多错事，所以想同老婆道歉。一开始，森美、小仪以为男听众口中嘅错事离不开偷食出轨，点知原来唔系咁简单。“我易暴躁，又太冲动，有时喺街比人撞到会发脾气；应承佢唔去揼骨又去，（邪骨？）系，真系好唔掂，有时佢真系嬲到一把车埋嚟。”

提到揼邪骨原因，阿仁好坦白咁话系因为太挂住前度，听到呢个理由，连森美都忍唔住表示：“你系咪痴线？你挂住前度唔系去揾对方而系去揼邪骨，仲要同老婆讲？你啲嘢好错。”到底挂住前度系揼骨嘅借口，定真挂住前度呢?阿仁又咁讲:“总之我成日都忘记唔到前度，所以就揾啲借口去宣泄。（你有冇话比老婆听？）有呀，因为我违背诺言嘛。”问到最近激嬲老婆系做错咩？阿仁反问驾的士时𥄫女仔算唔算，之后又提到：“有话唔想驾的士，但老婆话一定要，因为之前食咗两年软饭冇做过嘢……”邪骨、软饭、兼唔多照顾家庭……阿仁到今时今日仲有头齐整的家，难怪森美都要讲句“好老婆真系好难揾”。

电话接通老婆阿敏之后，对方第一时间表示打错，直到森美、小仪表明身份后，阿敏先问咩事，但最好笑系当森美解释完来龙去脉后，问老公叫咩名时，阿敏话系“阿伟”，搞到森美以为自己真系打错电话，再问识唔识阿仁时，阿敏好坚持咁话：“我真系唔识㖞。”……反正最后了解咗阿仁原来即系阿伟，但点解男听众要咁做呢？真系得佢自己先知。

同场加映：MIRROR专属口罩强势回归　Pop-Up Store打卡位逐个睇