贾明升认同吴紫韵独处 被潘梓锋误会打爆眼角：朋友落街攞嘢

“贾明升”邹兆霆早前疑卷入“争女事件”风波，有传他暗沟TVB娱乐新闻台主播吴紫韵（Purple），而被《东张西望》男主持潘梓锋(Bryan)袭击受伤入院。有指案发当日Purple约了邹兆霆返家食饭，但Bryan入屋后误以为女友出轨，一怒之下出手打人，而事后潘梓锋被控伤人罪，案件将排期审讯。

今日案中男主角邹兆霆出席无线新剧《四十二章经》拜神仪式时，就此事接受《香港01》访问：“其实成件事都系一场误会。而家伤势都冇乜大碍，都系伤咗左眼角。不过都化到妆，可以遮到嘅。（缝咗几多针？）都系几针。（有指你暗沟女方？）冇嘅，当日我哋成班朋友食饭。（如果有朋友在场，相信Baryan唔会咁冲动？）系因为有朋友落咗街攞嘢，咁所以当时剩系我同佢喺屋企，所以佢误会咗。（当时你有冇同佢解释？）呢个我唔方便讲。（会唔会追究？）呢个我唔讲，但我已经方放低咗件事。（有否联络Bryan?)大家都冇联络。”