周柏豪不介意人气输姚焯菲钟柔美：时代唔同咗，支持形式都唔同

周柏豪（Pakho）今日（5日）现身钻石山出席港台《向香港运动员致敬》公开活动，见到同场的姚焯菲和钟柔美粉丝声势浩大，他笑言不介意自己的人气被比下去，因为自己入行都已经有一段时间：“其实台下面我都有牌㗎，哈哈！时代唔同咗，自己成长嘅步伐同阶段都唔同咗，大家（粉丝）支持我嘅形式都相对唔同咗，时代会转变、社会都会转变，所以好开心一路都有唔少朋友支持自己！”

柏豪表示最近因为忙于拍摄剧集《旁观者》，再加上细仔上月17日出世，因此最近根本没有时间做运动，而且一日都大概只有三、四小时的睡眠时间，严重不够瞓。他笑言现时快要两岁的大女很好动，很喜欢做运动，比起其余同龄的小朋友高大不少：“佢未够两岁，街上嘅父母同医护都话佢似三岁嘅高度，我话有冇咁夸张啊？睇番啲尺码佢都系着最大嘅size，应该都同我同我太太嘅高度有关，我太太女仔嚟讲都比较高大！”他又称两人长大后，自己教导他们的方法亦会有些分别：“暂时系差唔多，但大个之后教女仔同教男仔嘅方法，例如女仔坐喺度嘅姿势要好啲、好礼貌啲啊、男仔唔好咁姿整、要做多啲运动啊，但最重要都系佢哋开心同健康！”

钟舒漫（Sherman）与陈洁玲的金钱纠纷官司早前被判胜诉，Sherman与妹妹钟舒褀在法院门口接受传媒访问时突然被陈洁玲一手推开抢咪兼摄镜要求一同做访问，随即掀起全城热话兼被闹爆无礼，获不少圈中人留言力撑Sherman。柏豪表示自己未见过亦不认识陈洁玲的为人，因此没办法去评论两人之间的官司，但作为钟舒漫的好朋友之一，一定会无条件力撑对方：“Sherman系我一个好好嘅朋友，当然佢点样我都会支持佢啦，但永远对任何人都要有礼貌，无论对方做乜都好，应该都要以礼貌行先。”

钟舒漫胜诉庭外接受访问　陈洁玲突然入镜抢咪讲嘢