七仙羽加持P1X3L做本地第三大男团　Phoebus：George搞笑好似保锜

风水师傅七仙羽（七师傅）幽默的“综艺体格”使她迅速走红，综艺节目及广告邀约不断，个人担正的综艺《七救星》掀起全城热讨，由《造星II》出身的Phoebus（吴启洋）、George（欧镇灏）及Marco（叶振弘）组成男团P1X3L自去年出道起一直星途平平，未有如师兄MIRROR般获大量人气，不过三子仍然选择默默耕耘，又在节目向七师傅“求救”，师傅直指组合名难记又复杂，索性要P1X3L改名叫“Oh My God／OMG”。“OMG（a.k.a. P1X3L）”周五（3日）发布与团体新名同名兼亲自填词的新歌MV，“根本不介意／全世界笑我白痴”、“个个都叫我𨅬返屋企”、“我卖力嘅舞蹈冇人睇到 ”等歌词令人心酸。

歌曲《Oh My God》发布后随即获同门师兄ERROR队长肥仔（梁业）转发指“其实佢哋都好努力”，一直见证三人成长的强尼为三人打气并写道：“揼（耷）低头、继续做、向前跑，过一段时候，岳（𫖵）返个头上嚟，可能望到嘅嘢会唔同㗎！”连ViuTV董事及总经理鲁庭晖亦转发影片道“不用千军万马，我们千变万化！”观众亦纷纷留言打气道：“慢慢追返有你哋嘅节目，希望你哋可以陪香港人一齐前进，成为第三个天团”、“睇到你哋的付出，你哋会越来越好”、“感谢七师父加持”、“期待新团歌”。

点击图辑睇《Oh My God》最新MV！

Phoebus在接受《香港01》访问时提起P1X3L刚出道的时候其实有过一段颇迷失、迷茫的日子：“始终我哋出嚟嘅时候，MIRROR同ERROR开始好多人认识，大家好容易就会有比较，我哋当时又未有作品畀人见到，大众就会好先入为主地Judge我哋，都会大压力少少。”

Phoebus坦承感谢师兄的存在令他们随之多了人认识，也令三子更加鞭策自己；三子又视师兄为学习对象：“George喺节目讲笑过P1X3L系MIRROR同ERROR之后嘅第三大男团，喺搞笑方面好多人都话George好似保锜；例如Edan（吕爵安）拍剧拍到好夜都会再去做Gym，我哋都要学习𠮶种努力。”

提起出道以来收到不少负评，Phoebus直言开初难免会难受，但现在已学会欣然面对，甚至会自嘲的方式去应对：“始终我哋第一首歌形象各方面都比较行得前，主要都系攻击下个造型、发型，Marco嘅章鱼烧头，一开始睇到唔好嘅嘢一定会唔开心，而家已经识调节，甚至互相用嚟串返对方！”

七救星｜七仙羽帮J.Arie发达出绝招　亲临李嘉诚大宅求水有奇遇