“上等人”梁舜燕盼新年和气生财　百无禁忌：怕就唔好做坏事

大年初一，很多人都会说：“一年之计在春”，新一年要有新目标，准备要干一番大事。不过，换个矫情的角度，人越大却希望生活简简单单，过得开心就足够。就好似著名的长辈经文《莫生气》都有讲：“人生就像一场戏，因为有缘才相聚。”何必执著呀？和和气气咁咪够啰！而“上等人”梁舜燕（Lily姐）都好buy这一套，更说此乃养生之道：“食𠮶方面，我就真系好随便。我朝头早起身一定会饮一杯水嘅，不过我又唔系点Keep。我觉得心情都好重要，样样嘢唔好咁执著。”心胸广阔真系好重要，难怪Lily姐keep得咁好。

人一开心，就胜过用任何护肤品，更可以神采飞扬。听Lily姐分享养生心得，顺便可以吸收更多正能量，她再续道：“你自己觉得开心咪开心啰，开心好紧要。做人一定有困难时，人有悲欢离合，月有阴晴圆缺。我哋就咁样去面对，要揾方法去解决，唔好话死啦、冇希望啦咁。我觉得希望在明天，永远都唔好觉得失望。”脑海立即浮现一句：“请不要消失希望，夜长还是有星光！”

除了睇开啲，如何再令自己更开心？Lily姐就话：“好多年轻一代都会觉得我哋一把年纪，都好似古老。但就算我已经八十几，我哋都要追上潮流。”所以新年流流，也没有什么要忌讳：“冇乜嘢要忌，忌呢就唔好做坏事，唔好去刻薄人。”不过，凡事都要量力而为，Lily姐都有向老友记提供忠告：“好似Fashion咁，我钟意着靓衫，但就唔会著mini skirt同tight（迷你裙与紧身裤），我知道自己条腿唔靓，冇理由夹硬著呀嘛，最紧要就系要适合自己。”嗱，就算呢番说话系同长辈讲都好，都系人人啱用，袋钱入你袋㗎！