【BIGBANG】娜姐阿sa唔驶排专车直达　粉丝草地呆等两个钟　

BIGBANG一连两日在启德游轮码头举行的演唱会，今日正式开始，由于要安检及排队关系，就算18:00开骚，但头批观众(持有1-500号持票者)要14:00入场，绝对是体能、意志的终极考验。有不少心急歌迷，昨晚就已经开始排队，粉丝就要等，明星当然有特权啦！

周秀娜、阿Sa、马天佑及Hidy@Supergirls就有大会专车安排，一车接到黄金靓位，娜姐表示今日病住嚟睇，她说：“我好钟意佢哋，因为知道佢哋就嚟入伍，知佢哋嚟香港搞，就叫朋友一齐订飞啦，订飞都有啲难，因为惊揾唔到好好嘅位置，但我今日都病病哋，头痛啦，跟住又瞓唔着啦，又喉咙痛啦，听日就唔得喇，因为要做电影嘅宣传。”致于阿Sa就没有做任何访问，原本落车，但一见记者，就即刻跳上车速闪，不过都好好心，接载周秀娜，可能阿Sa心急入场睇骚吧！1不过不是明星就大哂，好像方力申和连诗雅就被拍得要排队，两位点解唔打俾阿Sa叫佢接埋你哋呀?明星有安排，自然快一步，但平民就要用劳力换靓位，香港其中一位BIGBANG忠实靓女粉丝Yolanda亦有到场睇骚，她曾经同胜利在酒吧玩beer pong，不过她表示今次大会安排好差，她说：“大会安排得好混乱，我就应该14:00入场𠮶批，我都13:30嚟到，但大会安排我哋喺草地呆等，冇嘢饮买，不过都有厕所，再等通知，成班人喺度等咗两个几钟，之后先入到会场。”看来做明星真系好著数㗎！