设计师Rick Owens神级作品　忠粉陈山聪都顶唔顺：我唔会买啰！

撰文： 林通贤
出版：更新：
陈山聪为无线潮神当之无愧，佢当然有留意Rick Owens新作，但就话唔会买。
都系个句，潮流嘅嘢.......希望有日识欣赏。（网上图片）
陈山聪曾经系Rick Owens,不过佢话自己成熟咗，钟意啲实用嘅，例如他著紧嘅adidas NMD。

“fashion嘅嘢，真系识条＿咩?”潮流教主Rick Owens 最近发表2017秋季系列，大师作品当然大胆前卫，将“棉胎”发挥到极致，RO有新作当然要问下头号粉丝，TVB潮神陈山聪啦，山聪就好深明大师的用意，他以WhatsApp回应《香港01》，他说:“我当然有留意啦，呢个棉胎咁出位，点会留意唔到呢?Rick Owens大师今次呢，完全将露宿者嘅风格发挥得淋漓尽致，本身佢行骚嘅showpiece，通常都比较天马行空嘅，佢喺shop买到嘅衫都唔会咁样，每个人接受嘅嘢都唔同，当然啦，呢套衫好难著到出街。(会唔会买返件呀？)我谂我唔会啰，我而家个人成熟咗，会买啲工作上用得到嘅会好啲。”连潮山聪都话难著出街，就知大师今次有几前卫啦。

而最近《乘胜狙击》热播，陈山聪在剧中饰演魔术师，戏服全部都系私伙，潮人拍剧认真揼本，他说:“其实就唔系用咗好多钱，好多都系以前收藏嘅衫，今次用嚟著，有几件新买啰，有Sacai， Comme Des Garcons啦，亦有啲赞助借我啦。”其实著住件棉胎玩魔术，都真系潮㖞！

陈山聪在剧中饰演魔术师，当中嘅戏服有Sacai， Comme Des Garcons等潮牌，一睇就知私伙。
近年潮山聪迷上运动，操到成身肌肉，有时唔著衫仲好睇过著衫，后面操到好辛苦嘅系佢老死袁伟豪。