36岁林熹瞳长文忆流产阴霾　封闭自己：日日人唔似人鬼唔似鬼

36岁林熹瞳（Rachel）去年10月与圈外男友何思哲（Carson）结婚，今年4月于Facebook透露自己怀孕八周四日，但bb突然无心跳，向网友求助，可惜于4月19日再度更新表示已流产：“有无限多的伤心、愤怒、哀痛和疑问。”相隔4个月Rachel撰文透露流产后的黑暗日子：“BB离开后，我封闭了自己，除咗老公，乜人都唔想见，日日人唔似人鬼唔似鬼！”

林熹瞳怀孕２个月宣布流产：心中永远也会为你留一个很重要的位置

Rachel指自己流产后封闭自己：“因为我状态太差，太丑样，满心愤怒和哀痛，根本唔想见人。但冇谂过，我倾倾吓开始打开心扉，同佢倾咗8个小时，由张床倾到出沙发，无论我发怨气，分析件事，定由盘古初开讲起我的心路历程。那天起，我终于肯落番街，但一落街先发现原来身体真系差咗好多，行去超级市场买啲嘢，都要唞足一日。”

点击下图观看林熹瞳IG相片：

多得好友无私陪伴，Rachel一步一步走出阴霾：“之后突然收到通知， TVB的“逆天奇案”要宣传，我好想去，非常想去，但身体状况令我好担心，我胆粗粗地打电话去问她，可否陪我去宣传？她竟然话，昨天已经攞咗大假，预咗陪我去，就算我唔俾，她都会跟著来。结果连彩排，一个半月内，前后分别陪我去咗7-8次左右，她每朝买定早餐上嚟我屋企接我出发，去到TVB只系当自己系助手，不停帮我拎嘢，照顾我饮水，帮我瞻前顾后，如果冇咗佢，我相信我真系做唔到。结果宣传期完咗，我亦都康复了。”

点击睇林熹瞳《逆天奇案》中精彩演出：