姜涛传被Edan欺凌 “受害人”笑住解释：男仔开玩笑唔识得分寸
撰文： 邝钰莹
出版：更新：
MIRROR 12子今晚齐齐出席手机品牌活动，虽然活动不对外开放，但商场外以及会场旁的停车场仍聚集了大批镜粉。
MIRROR现身时，队长Lokman 表示自从演唱会后，今晚总算齐人演出，并首次现场献唱《BOSS》。提到今日网上流出Edan与姜涛的打闹片段，有报道更指姜涛受到“欺凌”，两位当时人就话误会一场，不过讲讲吓，姜涛都忍唔住弹Edan 耳仔以示惩罚。Edan说：“手势系唔啱，大家唔好学，但男仔之间玩得太兴奋，就好易会有呢啲白痴行为，但绝对唔系欺凌，大家应该都知道我同姜涛系好朋友，又会放“黑图”，大家唔使觉得我欺凌佢，好多时都系大家欺凌我。”
之后Edan问姜涛有咩感受时，其他队友在旁笑言“佢喊架啦”，而姜涛先系表示“无嘢无嘢”之后再问Edan “咁答啱唔啱？”完全戏子上身一样，其后他才表示：“男仔开玩笑唔识得分寸，老实讲我哋有时玩得更过份，但会喺镜头前识得收敛，因为花姐喺我哋出道时有讲过要做好艺人嘅责任，但今次真系误会，大家唔使咁小题大造。”
+10