七公主｜陈滢素颜拍剧好大牺牲　呻唔公平︰个个都set晒头化晒妆

无线剧集《七公主》是由黄翠如、林夏薇、高海宁、江嘉敏、陈滢及邝洁楹主演，是以女性为主导的剧集。为配合角色人物设定，陈滢（Jeannie）在剧中，大部分时间都素颜上阵，对演员来说，非常大牺牲。日前，Jeannie在由阮兆祥、天欣和朱菁主持的电台节目《1圈圈》中，大谈素颜拍剧的心情，直言连playback也不敢看！

Jeannie在剧中演Moon，是一个由内地来港生活“苦女”，生活并不如意，所以讲到拍剧时的感觉，她直言︰“好苦！个过程我唔觉得系开心或者enjoy。呢套剧系我最唔enjoy㗎。”她形容角色是一个充满负能量的人。而外在方面，监制陈维冠（Joe）就坚持要她素颜，她大呻︰“Joe又唔畀我化妆，又唔畀我洗头。佢唯一要我化妆𠮶一日，佢问我‘系咪真系冇化妆’，我话‘Joe，你攞张纸巾抺吓块面，我真系冇化妆！’佢抺一抺，真系冇妆㖞，（Joe话）‘搞唔掂，你眼圈唔够大，帮我画深啲。’我话‘Sxxt！你真系要咁做？’”对方还嫌她不够憔悴。

Jeannie又说︰“我始终系一个女仔啊嘛！而家见惯人系某一个样㗎嘛大佬！”所以她在镜头前也感到没自信，而且剧中有其他女艺人，其他人都化好妆，只有她素颜，的确好显眼，她说︰“仲有7个唔同嘅其他女仔，个个都系set晒头，化晒妆，咁我就企喺侧边……所以我想讲呢套剧我从来冇睇过playback！我一张相都冇影过！” 她相信Joe在找演员时，特意希望角色能为演员带来突破，她笑言Joe可能觉得︰“陈滢，我要你好样衰！”连监制都常常怀疑她有否化了伪素颜妆拍剧，事实上她真的没有。不过事前真的有护肤，但由于当时刚隔离完，身形的确特别涨。

除了素颜，Jeannie又大爆Joe“连头都唔畀洗”，要有点𥹉，但原来却“开正佢𠮶瓣”，事关Jeannie不喜欢洗头在公司“出晒名”，有时入化妆间，发型师也不想帮她set头，她试过拍《黄金有罪》时，足足一星期没洗头，原来她是因为不喜欢吹头。

睇《七公主》探班花絮︰

睇埋Jeannie其他靓相︰