后生仔倾吓偈|A0游嘉欣解读Casual Relationship：咩都做得无责任
撰文： 邝钰莹
出版：更新：
最新一集《#后生仔倾吓偈》以“Casual Relationship”为题，有人认为呢种关系属于“only sex”，亦有后生仔认为“可以话系单身，随时分手无责任”而宅男女神嘅游嘉欣（游游）就将Casual Relationship解读为“咩都做得 但无责任”，她表示：“即系我呢刻我同你拖完手，但系唔代表我哋系男女朋友”目前仲系A0嘅游游仲话自己接受呢种关系，亦唔介意尝试一下，之后随即被冯盈盈笑她可以长期A0但有多段Casual Relationship。
讲到Casual Relationship嘅好处，游游就话可以得到自己想要嘅。“唔使点去思考要为呢段关系付出啲咩，大家纯粹开心就ok，但长远嚟讲，你要点同人解释同𠮶啲人嘅关系，啲人会觉得你好唔正经，但我觉得睇大家需求，如果只系追求快乐，又OK对方出面有另一伴侣，我真系觉得呢种关系冇关题。”游游虽然认真地去解读Casual Relationship，又讲到自己可以接受呢种关系，但当被问到如果之后几年仲未揾到男朋友，会唔会都想试下Casual Relationship时，佢就有少少犹豫。“我会想做，但我会做唔出，我系比社会规范咗，我可以接受人哋有呢种关系，但接受唔到发生喺自己身上。”头盔最紧要戴得够快！
点击睇更多游游靓相：
+53