香港小姐2021｜谢嘉怡狂跑5公里变Fit爆身形：做呢行个样一定要靓

谢嘉怡（Lisa）今晚（22日）出席《香港小姐2021》准决赛。回港两个月的她身材Fit爆，更搣甩脸部赘肉变瓜子脸。她透露在英国食太多煎炸食物，回港隔离期间在酒店每日跑4至5公里兼做深蹲，饮清清淡，故成功瘦身。

不过她表示其实体重“重咗少少，可能多返啲肌肉。”她又认为离理想身形仍有距离，“冇留意减咗几多，但可以再减多少少，想要马甲线，但太瘦都唔好睇。”

问是否为拍《爱回家之开心速递》而努力减磅，她表示：“其实唔系，我返英国真系食咗好多嘢，返嚟肥咗少少，我觉得上镜唔好睇，你做呢行个样一定要靓，所以减咗少少。”

近日她以“吕冠君”之名亮相《爱回家》，并透露仍在拍摄剧集，“吕冠君”亦将再次出现。她指平时靠写英文拼音记对白，又会睇TVB剧集学广东话，她又不满自己做戏欠缺情感，平时靠睇美剧学演技。