李婉华重谈当年因人工低不续约无线　被公司雪藏︰呢行系好残忍

前无线艺人李婉华自1988年加入TVB，1994年离巢转投亚视。在无线拍剧的时期，她拍过不少经典处境剧集，如《卡拉屋企》、《公私三文治》等。她已移民加拿大温哥华，淡出香港娱乐圈。较早前她回港曾接受电台节目《1圈圈》梁泰来的访问，大爆当年在无线工作时的辛酸史。

当年李婉华当红，一年拍几套剧，看似风光，但她在节目上就自曝好辛苦，因为入不敷支，她大呻当年好穷，因为又要买衫买化妆品，自己又有投资买楼。李婉华表示︰“其实我离开咗TVB之后（经济情况）开始改善，好辛苦好辛苦，人工好低，其实我之前点解离开系因为佢加我好少好少钱，我记得𠮶时𠮶位经理话加我人工𠮶时，我直情流眼泪，你加我咁少钱，就想签多我10年定5年，我话我点生活啊？我仲要阿妈帮补吓我㖞。”又说︰“唔系我唔想做，我好挨得㗎，但真系太少。”

李婉华指自己拍完《卡拉屋企》之后因为不续约就被雪藏，她说︰“𠮶时佢雪藏我，因为我唔签约就雪藏我，好惨啊。”好续说︰“我拍完《卡拉屋企》之后就雪藏我，跟住就雪藏咗我半年，冇工作，完全冇工作，跟住就等，除咗公司basic salary，你知啦系好少，又冇爆show啦，挨咗一段时间。（梁泰来︰你嬲唔嬲？）当年我哋走嘅人都冇一个开心，其实个个都唔系咁开心咁离开，个个都想继续做，但系真系生活唔到，即系𠮶时啊，我唔知而家。”

讲到当年的经历，出完一张唱片公司倒闭，又曾被TVB雪藏，李婉华直言︰“我从来唔觉得我做呢个行业系good luck，我系冇乜运气，好挨得，好辛苦去做，先得到少少嘢。”更因为拍过《制服诱惑2地下法庭》而被标签为三级片女星，但她没有暴露的戏份，更是由替身代替的，种种事情，她承认也感到心淡，付出跟努力不成正比。她说︰“由TVB个经历就系咁样，唔开心嘅，点解会咁对我呢？我只系ask for多少少，你唔可以咁样对我，你可以人道啲对我，但系佢哋真系，你唔签啊？咁我就雪你啦！我觉得系好残忍㗎呢行都。”

李婉华曾跟吴镇宇和何家劲相恋，她直认自己是易一个容易戏假情真的人，“因为我比较简单啲，我冇乜经历啊喺恋爱（方面），因为我之前（入行）都冇拍拖。”讲起圈中人前度，她笑言她的前度都是比较有性格，是“性格巨星”，分手不是因为她“呷醋”，主要因为聚少离多，沟通出现问题，“同埋大家都仲系年轻，各自有各自嘅性格。其实当时拍拖真系好认真。（梁泰来︰你每个都好长时间。）系啊，我系一个好长情嘅人嚟。”跟何家劲分手后，她曾讲过不会再跟艺人拍拖，后来她遇到现在的老公李守正，并于2003年6月在加拿大秘密结婚。

点击图辑睇Anita近况︰

同场加映︰张宝儿任《声梦》演唱会造型师　常被批穿搭奇怪重温10个深刻造型

同场加映︰细数入行4年内就做女一的艺人　原来好多位都系天生主角命！