爱妻怀孕消息保密功夫做足 周柏豪：多谢朋友冇爆响口

撰文： 吴子生
出版：更新：
周柏豪透露太太同囝囝明天会出院。（陈顺祯摄）

日前周柏豪突然在社交平台报喜，爱妻顺利为他诞下7.5磅囝囝，宣布再做爸爸，为大女添了一名弟弟，成功拼凑成“好”字。今日（20/8）周柏豪现身湾仔港安医院接受访问时，讲到太太怀孕消息保密功夫做到足，他笑言：“其实我就冇话特别去保密，最主要系疫症少咗出街，咁所以就冇乜特别嘅活动，同埋屋企嘅老人家都唔想咁张扬，想低调。咁老人家要求到，咁我哋一定要配合佢哋，咁所以多谢各大传媒嘅体谅，到今日终于可以同大家分享呢个喜悦。”

周柏豪笑言已完成任务，太太将会封肚。（陈顺祯摄）

柏豪续说：“其实中间嘅时间，系好多朋友公司同事都知道，但大家都冇话爆响口，咁所以好多谢大家爱锡我哋。（太太会封肚？）我谂差唔多，佢都攰。而且我哋嘅目标就系而家咁，咁所以都好感恩可以达成呢个梦想。”