香港小姐2021｜刘伟强做完《造星》再做港姐评判：我哋最想系咁样

《2021香港小姐竞选》今日举行记招宣布20强入选佳丽名单，即将在星期日（22日）晚上举行准决赛，大会更邀请到刘伟强导演做评判，够诚意！在接受《香港01》访问时，刘伟强表示自己已不是第一次参加这项盛事，他说：“我唔止第一次喇，好多年前都做过一次，今次乐易玲小姐问我有冇兴趣再嚟帮手，我一口答应咗。”

如果大家还记得，刘导演在三年前的《Good Night Show 全民造星总决赛》也做过星级评判，对于愈来愈多这种艺人的摇篮比赛，他非常乐见这个情况：“我哋最想系咁样，《香港小姐》其实都好多演员喺度出嚟，我都拍咗好多由《香港小姐》出嚟嘅演员，所以呢个亦都系一个我哋发掘演员嘅好地方。”

刘导演在上个月有一套讲述武汉市抗击2019冠状病毒病疫情的电影《中国医生》在内地票房大收，约有13亿元人民币，他指今次拍摄实在不容易：“我几满意，今次好好彩，有几好嘅票房，我啱啱去跑完好多个城市去宣传，我觉得值得嘅。其实由day 1接呢个project就知道系困难，因为呢个系啱啱发生嘅事，有好多资料我要去揾，呢个喺前中后期都非常紧张，好多谢医疗顾问好帮手，喺拍摄途中提供好多资料畀我哋。”

同场加映：最新TVB花旦排行榜｜有人想离巢地低下降　北上女星继续上位