姜涛笑称无惧成员贴黑图反击：大家唔会接受唔到最样衰一面

MIRROR成员姜涛、王智德（Alton）与ERROR成员阿Dee（何启华）今午一齐在尖沙咀出席活，三子未出场前，现场不断有fans大叫“支持一哥何启华”、“姜涛”、“王智德”。

活动上，三人玩游戏时，以粉丝的尖叫声分贝分出胜负，虽然今日现场姜糖人数最多，但最后竟然由阿Dee胜出，连他自己也感到一点意外。访问时，阿Dee笑指自己属于通杀类型，任何年龄层的粉丝都有。“其实都有啲三、四岁，之前成日喺啲屋村楼下见到啲细路大叫　“不死鸟”然后怒奔，我都唔知好事定坏事。

提到MIRROR早前红到登上《纽约时报》，姜涛直认十分开心，亦希望不会辜负大家对他们的期望，问他MIRROR是否算成功冲出亚洲，他说：“冲出亚洲真系唔敢讲，但呢个一直系我哋目标，所以都希望朝呢个目标进发。”而Alton则补充：“其实好surprise，有时都谂点解隔咁远都知道我哋存在，都惊我哋其实系未未ready 去咁远，不过尽做啦。”他又表示文章指他们为港人带来快乐，但其实大家亦为MIRROR带来快乐。

另外、提到日前由因上载Anson Lo的黑图而差点引起反击战，问到会否担心自己的黑图随时被公开，姜涛表示：“ 其实无所谓，比大家见到样衰一面，咁大家就唔会接受唔到最样衰一面。都希望以后可以无偶包，而家都有啲，所以唔好po住。”

点击睇更多姜涛、Alton、Dee哥靓仔相