Aka赵慧珊构思新歌MV　邀卢镇业、“试当真”Jessica做男女主角

女子组合Super Girls成员赵慧珊（Aka）近日再出个人新歌《爱人如己》，歌曲讲述将自己认为最好的东西，放在别人身上，如歌名“爱人如己”，是不是给对方最好的选择。对此，Aka表示︰“呢首歌系要反思系咪用自己认为最好的方式去爱一个人就系好事，由细到大老师父母都教我哋要将最好嘅嘢去畀人，但你觉得最好嘅嘢，又系唔系对方认为最好嘅呢？系咪合适，别人钟唔钟意呢？如果佢冇话你听真实的感受，或者佢勉强说‘喜欢’，双方关系又可唔可以长久落去呢？”

日前Aka为新歌拍摄MV，有别过往作品的MV，Aka除了亲身上阵拍摄外，今次还邀请了其中学师妹、网络女神陈苡臻（Jessica），以及卢镇业（小野）等演出，Aka表示︰“今次MV找两位演员将呢个故事演绎出来，虽然之前未真正接触过，都有睇过佢哋拍摄嘅作品，高兴今次可以有机会合作。”

虽然Aka只参与演出新歌MV的一部份，而且还安排在最后才拍摄，不过她很早便现身拍摄现场，除了与导演密密斟，及观看Jessica与小野演出外，又请饮特色饮品慰劳现场台前幕后，非常识做。Aka对演情侣的Jessica与小野赞不绝口，她说︰“今朝去探班，见到两位演员好投入，就算系Cut咗机，都会继续瞓喺床上讲笑，镜头入面自然甜蜜感觉，同我联想呢个故事嘅画面好相似，演得好自然，都好欣赏及多谢佢哋今次参与。”

此外，提到首次参与MV创作故事，Aka表示︰“第一次自己有份一起去构思故事内容，点解你咁爱佢，对方都唔接受呢，呢啲都系我见到身边朋友分享嘅经历。”她又谓︰“每一段关系，好多人都将自己嘅方式套落别人身上，歌词有一句系‘美丽遐想得太美太美’，你不断自己去谂点样同人相处方式系最好，但对方未必系咁谂，同对方沟通系好紧要，大家要讲出自己感受，系应该要有嘅态度。”