陈卓贤李尔晨疫市做老板获圈中好友撑场 盘点开健身室艺人
撰文： 陈芷颖
出版：更新：
艺人要经常做运动以保持完美身形，亦有不少圈中人会选择开设健身室做老板，有自己地方操肌之余，圈中好友也能一同前来，顺便打卡达到宣传效果。上月，MIRROR成员陈卓贤（Ian）与友人合资七位数成立“Project i”，自己做生招牌同时透露粉丝或许有机会与他一起做Gym。疫情下开健身室的并不只Ian，在ViuTV剧集《男排女将》中饰演Ian哥哥的李尔晨（Kyle）亦于今年成立健身室“Prestige Fitness”，既是老板又是健身教练，开幕时更获不少圈中好友如乐易玲、陈滢，余洁滢等人撑场。
Kyle接受《香港01》访问时透露投资了六位数开设健身室，亦分享疫情下做老板的原因：“理性系因为当时嘅铺租系疫情价，而我对团队嘅专业有信心。感性系因为我等唔到啦，一直想有一间好decent嘅gym，系我一直以来嘅梦想，我希望呢一度会系时尚同潮流融为一体嘅健身室。我心目中嘅健身室系可以成为wellness嘅一个品牌，而我选择咗由健身开始呢件事。”
创业必定会遇上困难，Kyle亦不例外：“当时嘅难题系开张时，都未确定疫情几时会完，大家呢个决定都系一个赌注，咁好好彩疫情冇再继续大规模发生啦。第二就系决定健身室风格同规模，团队好信任自己畀我去发挥，就系因为咁有啲压力，好怕自己心目中嘅模样未必系大众主流𠮶种健身室，但系好好彩嚟亲嘅都会几ok呢一度。”他续指开铺头数个月压力很大，幸好一切非常顺利：“开张头几个月都一直失眠，压大好大，要兼顾拍摄、兼顾铺头嘅marketing，兼顾埋自己嘅学生，好怕会输。开张之后铺头其实都顺利，无特别困难嘅地方。”
除Kyle，Ian外，点撃睇下其他开设健身室的艺人：
+8
同场加映
陈卓贤健身室开幕MIRROR兄弟撑场 半裸照变人形揽枕：少少尴尬
+22