陈展鹏入新剧同张振朗疑酿争男一风波？“大家唔好揣测太多！”
撰文： 邱爱霖
出版：更新：
无线（TVB）新剧《童时爱上你》今日进行拜神仪式。两位男主角陈展鹏及张振朗自然成为众人焦点。惟仪式期间，两人未获安排一同合照，之后张振朗亦只孖住女主角高海宁合照。
两人事后接受《香港01》访问，陈展鹏为张振朗解释事件，“佢好好礼貌，因为前面有啲前辈喺度，咁拜神冇所谓啦！但啲人就叫佢行先啦，所以就推咗佢出去，大家可能视觉上有错觉啫！”
早前有传剧本遭改动，视帝陈展鹏加入剧组，酿成争男一风波，陈展鹏成陪衬。张振朗表示，改动后的剧本质素更好，“情𠮶方面会深入多少少。”陈展鹏则强调：“冇人讲，你哋讲咋嘛！”他续表示：“第一稿我就未系好清楚，第二稿我就见到高Ling个角色真系好难演，因为套剧得20集，佢第二集就有问题出现啦，高Ling撞亲个头呀，我就明振朗讲咩啦，因为细节上角色之间嘅化学作用呀、层次高咗好多。我自己演呢套剧都开心，因为多咗好多组合。”
陈展鹏续指，希望角色有新突破，“演完英雄又演英雄，好闷。”望能给观众新鲜感，亦表示颇喜欢这个改动后的剧本。张振朗更坦言这是他首次与高海宁合作，“《反黑路人甲》我系冇掂过佢㗎！”
至于会否担心两人争男一风波酿成不和传闻，两人均笑言：“点解会不和呢？戏里面因为争高Ling就有不和！”陈展鹏指：“我谂大家唔好揣测太多，我谂而家最紧要系拍好套剧畀观众睇到。”