阿女又恋嚟︱钟慧冰爆拍摄内幕 直指ViuTV“乱咁嚟”：好大冲击
ViuTV恋爱真人骚《阿女又恋嚟》请来林静莉（Jeannie／莉莉菇）、植咏珊（Cathy）、陈咏钿（Coco）、麦丽怡（Lily）及她们的父母，4名女生会轮流与自己及父母选择的男生约会，而父母将会以上帝视觉偷窥整个约会过程，观众好奇女儿的选择亦看得津津有味。1979年香港小姐出身的钟慧冰（冰姐）是Jeannie的妈妈，她坦言是出于爱女心切才答应参与拍摄，然后发现过程相当惊喜，她透露以前女儿谈恋爱都不会向自己透露太多细节：“好冇瘾，但今次唔止偷窥，好似有份参与咁好兴奋，佢哋去Camp我都想去啊！”
冰姐上周五（30日）曾在人生第一次直播中坦承庆幸有参加拍摄：“本来我冇谂过参与，参与咗之后就觉得成个过程好好玩，最令我惊喜嘅系幕后工作人员，今次其实畀我一个好大嘅冲击！”冰姐续言相处过程令她相当感动：“由我第一日接触到ViuTV嘅幕后工作人员，我发觉同以前经历𠮶几十年完全唔同，我从来未见过一队Crew里面10个有9个系女性，我好愕然，见到佢哋做道具、拖机、拉灯全部都系女仔，好辛苦，我真系唔太舍得，我第一日就叫佢哋去结婚；我做呢行都好耐喇，未见过咁样，拍真人骚最多人𠮶日我见到有十几部Cam围住我，完全感觉到幕后工作人员对自己职业嘅尊重、爱同Passion，令我成个过程都好开心！”
《阿女又恋嚟》播出后，冰姐挑选给囡囡的暖男Ringo人气急升，溜冰一幕更令所有观众都表示心动不已，至于Ringo与Eddie之间的选择，冰姐接受访问时就直言较属意Ringo：“我都觉得Sweet，佢好暖男、花咗好多心思最感动，溜冰我都几感动，我后生𠮶阵都冇人咁对我；Eddie就性格巨星，唔太适合做男朋友。”至于Jeannie在节目后会否与其中一人继续交往，冰姐就开明地表示：“交畀佢自己决定啦！”
点击图辑睇Jeannie与Ringo的浪漫约会片段！
除了女儿们的约会过程备受观众讨论，爸爸妈妈们的反应更是令观众拍案叫绝，又不时爆出精警金句，谈起真人骚是否存在剧本、100％真实一直是观众的最大疑问，冰姐直言：“唔只冇剧本仲好神秘，开头个女做乜嘢都唔可以话畀我听，化妆要唔同时间，见咩人唔讲得，所以连喺观塘边度拍都唔畀我知。因为我第一次拍真人骚，一去到现场就戴晒咪唔准除，一直去到拍完先除得，我连去洗手间都唔好意思，但佢哋就想捉到啲好细嘅Moment，每一个表情都唔放过，剪片真系辛苦到死，但佢哋又好开心、好热情，之后我都习惯咗由佢拍，边有剧本？”
冰姐分享节目的成功之道：“我知佢哋点解咁成功，佢真系捕捉到一啲Moment，全部角度都有，几丑样几时讲咩都呃唔到！”冰姐又透露与旧时拍节目感觉大相迳庭，“我之前喺开电视做咗7年主持，仲系好传统式，要开会预备、Brainstorm下重点，今次唔同系真人骚，完全乜都冇预备、完全零蛋、真系考直接反应，好似媚姨反应咁快就有着数，素人嚟讲系难得！真人骚冇剧本就唯有睇性格。如果今次咁成功，都打破晒（观念）原来而家做嘢可以乱嚟，即系唔使咁多框框，使乜剧本？”
冰姐坦言少睇近来炙手可热的男团MIRROR及ERROR，她又透露了拍摄间的趣事：“第一次上去节目组畀咗啲相我拣，问啲男仔边个啱囡囡，有几个我拣都唔会拣，后来囡囡先话畀我听𠮶个系ERROR嚟，好红㗎！然后我就发现唔得，自己冇与时并进，要去睇下先，我而家开始会睇，起码啲细路讲嘢会知佢讲乜！”
电影1